Truecaller launches new feature: Truecaller એ ભારતમાં એન્ડ્રોઇડ યુઝર્સ માટે એક નવું અને ફ્રી Voicemail ફીચર લોન્ચ કર્યું છે. સ્વીડિશ કોલર આઇડેન્ટિફિકેશન પ્લેટફોર્મ કંપનીનું કહેવું છે કે, આ ફીચર જૂના વોઇસમેઇલ સિસ્ટમથી અલગ છે અને સંપૂર્ણપણે ડિવાઇસ-નેટિવ એક્સપિરિયન્સ આપે છે. ખાસ વાત એ છે કે, વોઇસમેઇલ સીધા ફોનના લોકલ સ્ટોરેજમાં સેવ કરવામાં આવશે, જેનો અર્થ એ છે કે, આ માટે અલગ સર્વર અથવા ચાર્જેબલ સર્વિસ પર આધાર રાખવાની જરૂર રહેશે નહીં. Truecaller આ ફીચર સાથે ઇન્સ્ટન્ટ ટ્રાન્સક્રિપ્શન, ઓટોમેટિક સ્પામ પ્રોટેક્શન અને AI-બેસ્ડ સ્માર્ટ કોલ કેટેગરીઝેશન પણ ઓફર કરી રહ્યું છે.
Truecaller ના ફીચર્સ
ડેવલપરના જણાવ્યા મુજબ, Truecaller Voicemail સેટઅપ કરવું સરળ છે અને યુઝર્સ કોલ મિસ થઈ જવાથી મેસેજ રેકોર્ડ કરવા, સ્ટોર કરવા અને પ્લે કરવાનો ફીચર આપે છે. Voicemail સેકન્ડોમાં ટેક્સ્ટમાં ટ્રાન્સક્રિપ્ટ થઈ જાય છે, જેનાથી યુઝર્સ સંદેશ સાંભળવાને બદલે વાંચી શકે છે. આ ફીચર ખાસ કરીને ત્યારે ઉપયોગી થશે જ્યારે કોલનો જવાબ આપવો શક્ય ન હોય. Truecaller નું નવું Voicemail ફીચર ભારતને ધ્યાનમાં રાખીને ડિઝાઇન કરવામાં આવ્યું છે. તે હિન્દી, બંગાળી, મરાઠી, તમિલ, તેલુગુ, કન્નડ, મલયાલમ, ગુજરાતી, નેપાળી, પંજાબી, સંસ્કૃત અને ઉર્દૂ સહિત 12 ભારતીય ભાષાઓને સપોર્ટ કરે છે. કંપનીનું કહેવું છે કે, આનાથી વધુ યુઝર્સ તેમની પસંદગીની ભાષામાં Voicemail એક્સપિરિયન્સનો આનંદ માણી શકશે. આ AI-આસિસ્ટ ફીચર ફક્ત ટ્રાન્સક્રિપ્શન સુધી મર્યાદિત નથી. તે સ્માર્ટ કોલ કેટેગરીઝેશન, એડજસ્ટેબલ પ્લેબેક સ્પીડ અને સ્પામ ફિલ્ટરિંગ જેવા ઓપ્શન પણ પ્રદાન કરે છે. Truecaller નો દાવો છે કે, તે સ્પામ કોલથી Voicemail ને અલગ પાડીને યુઝર્સને વધુ કંટ્રોલ આપે છે.
Truecaller ના CEO રિષિત ઝુનઝુનવાલાએ શું કહ્યું?
Truecaller ના CEO રિષિત ઝુનઝુનવાલાએ જણાવ્યું હતું કે, "પરંપરાગત Voicemail એક અલગ યુગ માટે બનાવવામાં આવ્યા હતા. Truecaller Voicemail સાથે, અમે આજના કોમ્યુનિકેશન જીવનમાં Voice મેસેજો કેવી રીતે ફિટ થાય છે તેની પુનઃકલ્પના કરી રહ્યા છીએ. ઓન-ડિવાઇસ સ્ટોરેજ, ઇન્સ્ટન્ટ ટ્રાન્સક્રિપ્શન, સ્પામ પ્રોટેક્શન અને ભારતીય ભાષાઓ માટે સપોર્ટ સાથે, અમે લેગસી સિસ્ટમની મર્યાદાઓને દૂર કરી રહ્યા છીએ."
