ટેક દુનિયામાં આર્ટિફિશિયલ ઇન્ટેલિજન્સ (AI)ની રેસ હવે નવા તબક્કામાં પ્રવેશી રહી છે. Mark Zuckerbergની કંપની Meta Platforms હવે માત્ર સોફ્ટવેર સુધી સીમિત નથી રહી પરંતુ AI આધારિત હાર્ડવેરમાં મોટું દાવ લગાવી રહી છે. Meta Ray-Ban સ્માર્ટગ્લાસની સફળતા પછી કંપની હવે એક નવી, ખાસ ટીમ બનાવી રહી છે જે ભવિષ્યના AI ડિવાઇસિસ તૈયાર કરશે.
Metaની નવી AI હાર્ડવેર ટીમ શું કરશે?
Meta હાલમાં તેની એડવાન્સ્ડ AI યુનિટ Meta Superintelligence Labs (MSL) હેઠળ એક નવી ટીમ તૈયાર કરી રહી છે. આ ટીમ ખાસ કરીને AI આધારિત હાર્ડવેર પ્રોડક્ટ્સ વિકસાવવા માટે કામ કરશે.
આ ટીમ Metaની Reality Labs ડિવિઝનથી અલગ હશે, છતાં બંને વચ્ચે સહકાર રહેશે. Reality Labs અત્યાર સુધી VR અને મેટાવર્સ ટેક્નોલોજી માટે જાણીતી રહી છે, પરંતુ હવે MSL હેઠળની ટીમ વધુ ફોકસ્ડ અને AI-ડ્રિવન ઇનોવેશન પર કામ કરશે. Meta Ray-Ban સ્માર્ટગ્લાસની અત્યાર સુધી 70 લાખથી વધુ યુનિટ્સ વેચાઈ ચૂકી છે, જે આ ક્ષેત્રમાં કંપનીની સફળતા દર્શાવે છે. આ સફળતા Metaને વધુ AI-હાર્ડવેર પ્રોડક્ટ્સ બનાવવામાં પ્રેરણા આપી રહી છે. આ નવી ટીમ સ્માર્ટગ્લાસ, VR હેડસેટ અને શક્યતા મુજબ નવા પ્રકારના AI ડિવાઇસિસ પર કામ કરશે, જોકે હાલ સુધી કોઈ સ્પષ્ટ પ્રોડક્ટ વિગતો જાહેર કરવામાં આવી નથી.
અનુભવી લીડર Rui Xuને સોંપાઈ મોટી જવાબદારી
આ મહત્વપૂર્ણ પ્રોજેક્ટની જવાબદારી Rui Xuને સોંપવામાં આવી છે. તેઓ અગાઉ AI એજન્ટ સ્ટાર્ટઅપ Dreamer સાથે જોડાયેલા હતા અને ચીની ટેક કંપની ByteDanceમાં પણ કામ કરી ચૂક્યા છે.
તેમનો અનુભવ Meta માટે ખૂબ જ ઉપયોગી સાબિત થઈ શકે છે, ખાસ કરીને એજન્ટિક AI અને સ્માર્ટ ડિવાઇસિસના ક્ષેત્રમાં.
AI હાર્ડવેરમાં વધી રહ્યો છે કડક મુકાબલો
AI હાર્ડવેર હવે ટેક ઇન્ડસ્ટ્રીમાં સૌથી મોટું બેટલફિલ્ડ બની રહ્યું છે. Meta એકલી નથી બીજી મોટી કંપનીઓ પણ આ દોડમાં આગળ વધી રહી છે.
OpenAI પણ પોતાનું પ્રથમ AI હાર્ડવેર લોન્ચ કરવાની તૈયારીમાં છે
આ પ્રોડક્ટને Jony Ive દ્વારા ડિઝાઇન કરવામાં આવી રહ્યું છે
Apple પણ AI સ્માર્ટગ્લાસ પર કામ કરી રહી છે
સાથે જ Nothing પણ સ્માર્ટ પ્રોડક્ટ્સ સેગમેન્ટમાં પ્રવેશ કરવાની શક્યતા છે
આ તમામ વિકાસ દર્શાવે છે કે આગામી સમયમાં સ્માર્ટગ્લાસ અને AI ડિવાઇસિસ બજારમાં મોટી સ્પર્ધા જોવા મળશે.
Metaની AI સ્ટ્રેટેજી: એક્વિઝિશનથી લઈને ઇનોવેશન સુધી
Meta છેલ્લા કેટલાક વર્ષોથી AI ક્ષેત્રમાં પોતાનું સ્થાન મજબૂત કરી રહી છે. કંપનીએ તાજેતરમાં Moltbook અને Manus AI જેવી સ્ટાર્ટઅપ્સને એક્વાયર કરી છે, જે એજન્ટિક AI પર કામ કરતી હતી.
એટલું જ નહીં, કંપની પોતાના કર્મચારીઓને વધુમાં વધુ AI ટૂલ્સનો ઉપયોગ કરવા પ્રોત્સાહિત કરી રહી છે. ખાસ વાત એ છે કે Mark Zuckerberg પોતે પણ AI આધારિત “CEO એજન્ટ” તૈયાર કરાવી રહ્યા છે, જે કંપનીના વિવિધ કાર્યોમાં મદદરૂપ થઈ શકે.
