Lava launches Lava Play Max: Lava એ ભારતમાં પોતાનો નવો બજેટ સ્માર્ટફોન, Lava Play Max લોન્ચ કર્યો છે. મીડિયાટેક ડાયમેન્સિટી 7300 પ્રોસેસર દ્વારા સંચાલિત, Play Max માં 120Hz રિફ્રેશ રેટ સાથે 6.72-ઇંચ FHD+ LCD ડિસ્પ્લે છે. ફોનમાં પાછળના ભાગમાં 50mp નો મુખ્ય કેમેરો અને 8mp નો ફ્રન્ટ કેમેરો છે. જાણો Lava Play Max ની કિંમત, ફીચર્સ અને બેટરીની માહિતી.
Lava Play Max Price
Lava Play Max ના 6GB+128GB સ્ટોરેજ વેરિઅન્ટની કિંમત ₹12,999 અને 8GB+128GB સ્ટોરેજ વેરિઅન્ટની કિંમત ₹14,999 છે. આ ફોન Deccan Black અને Himalayan White કલર ઓપ્શનમાં આવે છે. તે આ ડિસેમ્બરથી તમામ Lava રિટેલ આઉટલેટ્સ પર વેચાણ માટે ઉપલબ્ધ થશે.
Lava Play Max ફીચર્સ
Lava Play Max માં 6.72-ઇંચ FHD+ LCD ડિસ્પ્લે છે જેનું રિઝોલ્યુશન 1080 x 2400 પિક્સેલ અને 120Hz રિફ્રેશ રેટ છે. તે ઓક્ટા-કોર મીડિયાટેક ડાયમેન્સિટી 7300 4nm પ્રોસેસર દ્વારા સંચાલિત છે અને તેમાં Mali-G615 MC2 GPU છે. તે 6GB/8GB LPDDR4X RAM અને 128GB UFS 3.1 ઇનબિલ્ટ સ્ટોરેજ સાથે આવે છે, જેને માઇક્રોએસડી કાર્ડ દ્વારા 1TB સુધી વધારી શકાય છે. તે એન્ડ્રોઇડ 15 ઓપરેટિંગ સિસ્ટમ પર ચાલે છે.
Lava Play Max કેમેરા સેટઅપ
કેમેરા સેટઅપની વાત કરીએ તો, Lava Play Max માં પાછળના ભાગમાં EIS સપોર્ટ સાથે 50mp નો મુખ્ય કેમેરો છે. સેલ્ફી અને વિડીયો કોલ માટે 8mp નો ફ્રન્ટ કેમેરો છે. સિક્યોરિટી માટે સાઇડ-માઉન્ટેડ ફિંગરપ્રિન્ટ સેન્સર આપવામાં આવ્યું છે. આ સ્માર્ટફોનને ધૂળ અને પાણી પ્રોટેક્શન આપવા માટે IP54 રેટેડ છે. કનેક્ટિવિટી ઓપ્શનમાં 5G, ડ્યુઅલ 4G VoLTE, Wi-Fi 6, બ્લૂટૂથ 5.2, GPS અને USB ટાઇપ-C પોર્ટનો સમાવેશ થાય છે. આ ફોનમાં 5000mAh બેટરી છે જે 33W ફાસ્ટ ચાર્જિંગને સપોર્ટ કરે છે.
