iQOO launches iQOO 15: iQOO એ આજે ભારત અને વૈશ્વિક બજારમાં પોતાનો નવો સ્માર્ટફોન, iQOO 15 લોન્ચ કર્યો છે. આ સ્માર્ટફોનમાં 50mp નો મુખ્ય કેમેરો અને ફ્રન્ટમાં 32mp નો સેલ્ફી કેમેરો છે. તે એન્ડ્રોઇડ 16 પર આધારિત OriginOS 6 પર ચાલે છે. તે Qualcomm Snapdragon 8 Elite Gen 5 પ્રોસેસર દ્વારા સંચાલિત છે અને 7,000mAh બેટરી પેક કરે છે. જાણો iQOO 15 ના ફીચર્સ, અને કિંમત વિશેની માહિતી.
iQOO 15 ની કિંમત
iQOO 15 ના 12GB+256GB સ્ટોરેજ વેરિઅન્ટની કિંમત ₹72,999 અને 16GB+512GB સ્ટોરેજ વેરિઅન્ટની કિંમત ₹79,999 છે. આ સ્માર્ટફોન એમેઝોન ઇન્ડિયા અને iQOO ઇન્ડિયાની ઓફિશિયલ વેબસાઇટ પર વેચાણ માટે ઉપલબ્ધ રહેશે. તે Legend અને Alpha Black કલરમાં આવશે.
iQOO 15 ની ડિસ્પ્લે અને બેટરી
iQOO 15 માં 6.85 ઇંચની Samsung M14 8T LTPO AMOLED ડિસ્પ્લે છે, જે 2K રિઝોલ્યુશન, 144Hz રિફ્રેશ રેટ અને 6000 nits લોકલ પીક બ્રાઇટનેસ સાથે છે. iQOO 15 માં 7000mAh બેટરી છે, જે 100W વાયર્ડ અને 40W વાયરલેસ ચાર્જિંગને સપોર્ટ કરે છે. આ સ્માર્ટફોનમાં Qualcomm Snapdragon 8 Elite Gen 5 પ્રોસેસર અને Adreno GPU છે. તેમાં 12GB/16GB LPDDR5x RAM અને 256GB/512GB UFS4.1 ઇનબિલ્ટ સ્ટોરેજ છે.
iQOO 15 ની ઓપરેટિંગ સિસ્ટમ અને કૂલિંગ સિસ્ટમ
ઓપરેટિંગ સિસ્ટમની વાત કરીએ તો, આ સ્માર્ટફોન Android 16 પર આધારિત OriginOS 6 પર ચાલે છે. કંપની 5 Android અપગ્રેડ અને 7 વર્ષ સિક્યુરિટી અપડેટ્સનું વચન આપે છે. iQOO 15 8K VC કૂલિંગ સિસ્ટમ આપવામાં આવેલ છે. તેમાં પાછળના કેમેરા મોડ્યુલની નીચે એક નવી મોન્સ્ટર હાલો એમ્બિયન્ટ લાઇટિંગ પણ છે.
iQOO 15 નું કેમેરા સેટઅપ
કેમેરા સેટઅપની વાત કરીએ તો, iQOO 15 માં OIS સપોર્ટ સાથે 50mp નો મુખ્ય કેમેરો, 3x ઓપ્ટિકલ ઝૂમ સાથે 50mp નો ટેલિફોટો પેરિસ્કોપ કેમેરો, 3.7x લોસલેસ ઝૂમ અને 10x ઝૂમ, અને 50mp નો અલ્ટ્રા-વાઇડ કેમેરો છે. સેલ્ફી અને વિડિયો કોલિંગ માટે 32mp નો ફ્રન્ટ કેમેરો છે. ફોન AI વિઝ્યુઅલ અને રિફ્લેક્શન ઇરેઝ ફીચર્સ સાથે આવે છે, જે સ્ટાન્ડર્ડ, પોટ્રેટ અને લેન્ડસ્કેપ કેમેરા મોડમાં ઉપલબ્ધ છે. iQOO ના આ 5G ફોનમાં IP68+IP69 રેટિંગ છે.
