Apple એ તેના આગામી ઇવેન્ટની તારીખ જાહેર કરી છે. કંપનીનો Awe Dropping ઇવેન્ટ 9 સપ્ટેમ્બરના રોજ લોન્ચ થશે, જેમાં ચાર નવા iPhone લોન્ચ કરવામાં આવશે. નવા ફોન, વૉચ અને ઇયરબડ્સના લોન્ચની સાથે, Apple દર વખતની જેમ આ વખતે પણ ઘણા ડિવાઇઝ ડિસકન્ટીન્યુ કરશે.
9 સપ્ટેમ્બરે યોજાનારી Apple ઇવેન્ટમાં, કંપની ચાર ફોન - iPhone 17, iPhone 17 Air, iPhone 17 Pro અને iPhone 17 Pro Max લોન્ચ કરી શકે છે. જોકે, આ ઇવેન્ટ સાથે ઘણા એપલ ડિવાઇસની સફરનો અંત આવશે.
એટલે કે કંપની આ ડિવાઇઝ ડિસકન્ટીન્યુ કરશે. આનો અર્થ એ છે કે બ્રાન્ડ આ ડિવાઇઝનું પ્રોડક્શન બંધ કરશે. કંપની બાકીના મોડેલો વેચશે, પરંતુ તેમના નવા યુનિટનું બનાવવામાં આવશે નહીં. ઉપરાંત, કેટલાક ફોનની કિંમત પણ ઘટાડવામાં આવશે.
જૂના ફોનની કિંમત ઓછી થશે
જૂના ટ્રેન્ડ્સ પર નજર કરીએ તો, Apple આ વખતે iPhone 15 અને iPhone 15 Plus બંધ કરી શકે છે. જો કે, તમે આ પછી પણ આ ડિવાઇઝ ખરીદી શકશો. આ ફોન કંપનીની સત્તાવાર વેબસાઇટ પર ઉપલબ્ધ રહેશે નહીં, પરંતુ અન્ય પ્લેટફોર્મ અને રિટેલર્સ આ ફોન વેચવાનું ચાલુ રાખશે, જ્યાં તમને સારું ડિસ્કાઉન્ટ મળશે.
આ પછી, iPhone 16E, iPhone 16 અને iPhone 16 Plus બ્રાન્ડના સૌથી સસ્તા ફોન હશે. દર વર્ષની જેમ, કંપની આ વખતે પણ સ્ટાન્ડર્ડ મોડેલો સસ્તા કરી શકે છે. બ્રાન્ડ તેના સ્ટાન્ડર્ડ મોડેલોની કિંમતમાં લગભગ 10,000 રૂપિયાનો ઘટાડો કરે છે. આનો અર્થ એ છે કે iPhone 16 અને iPhone 16 Plus પણ સસ્તા થઈ શકે છે. એવામાં હાલ તમારે ફોન ખરીદવા માટે ઉતાવળ ન કરવી જોઈએ.
