iPhone 17 Series Launch Date: લોકો એપલની નવી સીરીઝના લોન્ચની આતુરતાથી રાહ જોઈ રહ્યા છે. સપ્ટેમ્બર મહિનામાં આઈફોન 17 સીરીઝ લોન્ચ થશે. એટલે કે, આઈફોન ચાહકોને નવા મોડેલ લોન્ચ કરવા માટે બે મહિના રાહ જોવી પડી શકે છે, ત્યાં સુધી ચાલો જાણીએ કે આગામી સીરીઝમાં શું નવું અને ખાસ જોવા મળી શકે છે...
એપલના આગામી આઈફોન 17 સીરીઝ માટે વધુ સમય બાકી નથી. અફવાઓ અને લીક થયેલા અહેવાલો અનુસાર આ વર્ષે એપલ સપ્ટેમ્બરના બીજા અઠવાડિયામાં ફરી એકવાર નવો આઈફોન લોન્ચ કરી શકે છે. પરંતુ આ વખતે ચર્ચા ફક્ત લોન્ચ તારીખ વિશે જ નહીં, પરંતુ આઈફોન 17 ની નવી ડિઝાઇન, કેમેરા અપગ્રેડ અને ફીચર્સ વિશે પણ છે...
iPhone 17 Series: ક્યારે લોન્ચ થઈ શકે છે?
એપલ દર વર્ષે સપ્ટેમ્બરના પહેલા કે બીજા અઠવાડિયામાં તેના નવા આઈફોન લોન્ચ કરે છે. ઘણા મીડિયા રિપોર્ટ્સ અનુસાર આ વખતે iPhone 17 સિરીઝ 9 કે 10 સપ્ટેમ્બર 2025 ના રોજ લોન્ચ થઈ શકે છે, જે મંગળવાર અને બુધવાર છે અને પ્રી-ઓર્ડર 12 સપ્ટેમ્બરથી શરૂ થઈ શકે છે અને આ ફોન 19 સપ્ટેમ્બરથી સ્ટોર્સમાં વેચાણ માટે ઉપલબ્ધ થઈ શકે છે.
આ વખતે કયા મોડેલ્સ હશે?
Macrumors અનુસાર, એપલ આ વર્ષે ચાર નવા મોડેલ્સ રજૂ કરી શકે છે જેમાં iPhone 17, iPhone 17 Air (અલ્ટ્રા થિન ડિઝાઇન), iPhone 17 Pro અને iPhone 17 Pro Max શામેલ હોઈ શકે છે. આમાં સૌથી વધુ ધ્યાન ખેંચનારું મોડેલ iPhone 17 Air છે, જે સમગ્ર શ્રેણીનો સૌથી પાતળો અને હળવો iPhone હોઈ શકે છે.
ડિઝાઇનમાં શું હશે નવું?
મેક્રોમર્સ દ્વારા રજૂ કરાયેલા અહેવાલ મુજબ, iPhone 17 સિરીઝમાં આ વખતે ડિઝાઇનમાં મોટો ફેરફાર થવાની અપેક્ષા છે. iPhone 17 Airમાં નવી અલ્ટ્રા-થિન અને હળવી ડિઝાઇન હશે. છેલ્લા ઘણા વર્ષોમાં iPhone માં આ સૌથી મોટું રીડિઝાઇન હોઈ શકે છે. આ ઉપરાંત, iPhone 17 Pro મોડેલોમાં બે-ટોન ડિઝાઇન, એટલે કે પાછળ મેટલ અને કાચનું મિશ્રણ હોવાનું કહેવાય છે, જે iPhone ને વધુ ટકાઉ બનાવશે. કલર્સની વાત કરીએ તો, iPhone 17 માં લીલો અને જાંબલી રંગ હોઈ શકે છે, જ્યારે Pro મોડેલમાં નવો નારંગી/કોપર શેડ હોઈ શકે છે.
નવા ફીચર્સ જે તેને ખાસ બનાવશે
ડિઝાઇનની સાથે iPhone 17 સિરીઝમાં ઘણી નવી અને મોટી સુવિધાઓ પણ આવી શકે છે જેમ કે A19 ચિપ અને A19 Pro ચિપસેટ જે નવા અને ઝડપી પ્રોસેસર હશે અને વધુ સારું પ્રદર્શન અને ઓછી બેટરી વપરાશ આપશે. આ ઉપરાંત, iPhone 17 Pro માં 5,000mAh બેટરી અત્યાર સુધીની સૌથી મોટી iPhone બેટરી છે, જે 33+ કલાક સુધી ચાલી શકે છે. બધા મોડેલોમાં ઉચ્ચ ગુણવત્તાવાળા 24MP સેલ્ફી કેમેરા હોઈ શકે છે. ઉપરાંત વધુ સારા હીટ મેનેજમેન્ટ અને એન્ટિ-રિફ્લેક્ટીવ ડિસ્પ્લેના ફીચર્સ પણ મળી શકે છે, જે ગેમિંગ અને લાંબા સમય સુધી ફોનનો ઉપયોગ સરળ બનાવશે.
