એપલ પ્રેમીઓ માટે અત્યારે ખરીદીની ઉત્તમ તક સામે આવી છે. લોકપ્રિય ઈ-કોમર્સ પ્લેટફોર્મ Flipkartની Big Saving Days સેલમાં iPhone 17 અત્યાર સુધીના સૌથી ઓછા ભાવે ઉપલબ્ધ છે. ગત વર્ષે સપ્ટેમ્બરમાં ગ્લોબલ માર્કેટમાં લોન્ચ થયેલા આ પ્રીમિયમ સ્માર્ટફોનની કિંમતમાં સેલના કારણે મોટો કાપ મૂકવામાં આવ્યો છે જેનાથી ગ્રાહકોમાં ભારે ઉત્સાહ જોવા મળી રહ્યો છે.
માર્કેટમાં iPhone 17 મુખ્યત્વે 256GB, 512GB અને 1TB સ્ટોરેજ વેરિઅન્ટમાં ઉપલબ્ધ છે. લોન્ચિંગ સમયે આ ડિવાઈસની શરૂઆતની કિંમત અંદાજે 82,900 રૂપિયા હતી. જોકે અત્યારે ચાલી રહેલી ફ્લિપકાર્ટ સેલમાં આ કિંમત ઘટીને 74,900 રૂપિયા સુધી પહોંચી ગઈ છે. આ આકર્ષક કિંમત ઉપરાંત ગ્રાહકો વિવિધ બેંક અને એક્સચેન્જ ઓફર્સનો લાભ લઈને વધુ બચત કરી શકે છે.
વિવિધ ઓફર્સ દ્વારા 8,000 રૂપિયા સુધીનો ફાયદો
સેલ દરમિયાન Flipkart દ્વારા સીધું 3,000 રૂપિયાનું ડિસ્કાઉન્ટ આપવામાં આવી રહ્યું છે. આ ઉપરાંત જો તમે બેંક ઓફરનો ઉપયોગ કરો છો તો વધારાના 2,000 રૂપિયાની બચત થઈ શકે છે. જૂનો ફોન એક્સચેન્જ કરવા પર 3,000 રૂપિયા સુધીનો બેનિફિટ મળી શકે છે. સૌથી મહત્વની વાત એ છે કે જો ગ્રાહકો State Bank of Indiaના કાર્ડથી પેમેન્ટ કરે છે તો તેમને અંદાજે 4,000 રૂપિયાનું વધારાનું વળતર મળશે. આ તમામ સ્કીમ્સને ભેગી કરવામાં આવે તો ગ્રાહક કુલ 8,000 રૂપિયા સુધીનો ફાયદો મેળવી શકે છે.
iPhone 17ના દમદાર ફીચર્સ
આ ફોનમાં 6.1 ઈંચની ProMotion Super XDR ડિસ્પ્લે આપવામાં આવી છે. તેમાં OLED પેનલ સાથે 120Hz રિફ્રેશ રેટ સપોર્ટ મળે છે જેનાથી સ્ક્ર્રોલિંગ અને ગેમિંગનો અનુભવ પ્રોફેશનલ લેવલનો બને છે. પર્ફોર્મન્સ માટે તેમાં Appleનું લેટેસ્ટ Apple A19 Bionic ચિપસેટ વપરાયું છે જે અત્યંત ઝડપી પ્રોસેસિંગ સ્પીડ પ્રદાન કરે છે. આ સાથે જ આ હેન્ડસેટમાં Apple Intelligenceના AI ફીચર્સ પણ લોડ કરવામાં આવ્યા છે.
કેમેરા વિભાગની વાત કરીએ તો iPhone 17માં ડ્યુઅલ રિયર કેમેરા સેટઅપ છે જેમાં 48 મેગાપિક્સલનો મેઈન કેમેરા અને 48 મેગાપિક્સલનો સેકન્ડરી સેન્સર છે. સેલ્ફી માટે 18 મેગાપિક્સલનો સેન્ટર સ્ટેજ ફ્રન્ટ કેમેરા ઉપલબ્ધ છે જે વીડિયો કોલિંગ દરમિયાન યુઝરને ફ્રેમમાં ઓટોમેટિક એડજસ્ટ કરે છે.
બીજી તરફ Amazon પર Samsung Galaxy S25 5G પર પણ શાનદાર ડીલ મળી રહી છે. આ સ્માર્ટફોનના 12+256GB મોડલની કિંમત 80,999 રૂપિયા છે પરંતુ ડિસ્કાઉન્ટ બાદ તે 74,999 રૂપિયામાં લિસ્ટ કરવામાં આવ્યો છે. અહીં ગ્રાહકોને 42,250 રૂપિયા સુધીની એક્સચેન્જ વેલ્યુ પણ મળી શકે છે જે જૂના ડિવાઈસની સ્થિતિ પર આધાર રાખે છે.
