'રશિયન તેલ ખરીદવા બદલ ચીન પર ટેરિફ કેમ ન લાદવામાં આવ્યો?' : જયશંકરનો અમેરિકાને કડક જવાબ

આજકાલ ભારત અને અમેરિકા વચ્ચે વેપાર અને રશિયન તેલ ખરીદવા અંગે તણાવ ચાલી રહ્યાં છે. વિદેશ મંત્રી એસ જયશંકરે તમામ મુદ્દાઓ પર વિગતવાર વાત કરી. તેમણે કહ્યું કે, ભારત-પાક સંબંધોમાં વેપાર, તેલ અને મધ્યસ્થી અંગે બંને દેશો વચ્ચે તણાવ છે. વિદેશ મંત્રીએ કહ્યું કે, અમેરિકા સાથે કોઈ મતભેદ નથી, પરંતુ વાતચીત ચાલી રહી છે. જયશંકરે સ્પષ્ટ કર્યું કે, અમેરિકા સાથે વેપાર વાટાઘાટોમાં ભારતના ખેડૂતો અને નાના ઉત્પાદકોના હિત સર્વોપરી છે. તેમણે કહ્યું કે, ભારત તેની "રેડ લાઈન" પર ક્યારેય સમાધાન કરશે નહીં

"વાટાઘાટો હજુ પણ ચાલી રહ્યું છે''

અમેરિકા સાથે વેપાર અંગે વિદેશ મંત્રી જયશંકરે કહ્યું, "વાટાઘાટો હજુ પણ ચાલી રહ્યું છે પરંતુ અમારી પાસે કેટલીક રેડ લાઈનો છે. સૌથી મહત્વપૂર્ણ ખેડૂતો અને નાના ઉત્પાદકોનું હિત છે. આ એક એવો મુદ્દો છે જેના પર સમાધાન શક્ય નથી." વિપક્ષ અને ટીકાકારો પર નિશાન સાધતા તેમણે કહ્યું કે જો કોઈ અસંમત હોય, તો તેમણે જનતાને કહેવું જોઈએ કે તેઓ ખેડૂતોના હિતોનું રક્ષણ કરવા તૈયાર નથી અને તેઓ

વ્યૂહાત્મક સ્વાયત્તતાને મહત્વ આપતા નથી

રશિયાથી તેલની આયાત અને અમેરિકા દ્વારા લાદવામાં આવેલા પ્રતિબંધો વિશે વાત કરતા, જયશંકરે અમેરિકાના બેવડા ધોરણો પર પ્રશ્ન ઉઠાવ્યો. તેમણે કહ્યું કે"તેને તેલનો મુદ્દો કહેવામાં આવે છે પરંતુ ચીન પર કોઈ ટેરિફ લાદવામાં આવ્યો નથી, જે રશિયાથી સૌથી મોટો આયાતકાર છે. ભારતને લક્ષ્ય બનાવતી દલીલો ચીન પર કેમ લાગુ પડતી નથી?" તેમણે યુરોપ અને અમેરિકાના વર્તન પર પણ ટિપ્પણી કરી અને કહ્યું, "જો તમને રશિયા પાસેથી તેલ અથવા તેના ઉત્પાદનો ખરીદવામાં સમસ્યા હોય, તો ખરીદશો નહીં. પરંતુ યુરોપ ખરીદે છે, અમેરિકા ખરીદે છે. જો તમને તે ગમતું નથી, તો અમારી પાસેથી ખરીદશો નહીં."

જયશંકરે શું સ્પષ્ટતા કરી

જયશંકરે સ્પષ્ટતા કરી કે, ભારત તેના રાષ્ટ્રીય હિત અને વ્યૂહાત્મક સ્વાયત્તતાને ધ્યાનમાં રાખીને ઊર્જા સંબંધિત નિર્ણયો લેશે અને કોઈપણ દબાણ હેઠળ આવશે નહીં. નોંધનીય છે કે, રશિયા પાસેથી તેલ ખરીદવાને કારણે અમેરિકાએ ભારત પર વધારાના ટેરિફ તરીકે 25 ટકા દંડ લાદ્યો છે, અને એમ પણ કહ્યું છે કે આના કારણે રશિયાને મોટું નુકસાન થયું છે અને ભારતે તેલ ખરીદી પર પુનર્વિચાર કર્યો છે. જોકે, ભારતે પોતાનું વલણ સ્પષ્ટ કર્યું છે અને કહ્યું છે કે તેલ ખરીદી ચાલુ છે.

ભારત-પાકિસ્તાન સંબંધો પર મધ્યસ્થીનો વિરોધ

ભારત-પાકિસ્તાન સંબંધો પર વિદેશ મંત્રીએ કહ્યું કે, 1970ના દાયકાથી ભારતમાં રાષ્ટ્રીય સર્વસંમતિ છે કે કોઈપણ પ્રકારની મધ્યસ્થી સ્વીકારવામાં આવશે નહીં. તેમણે કહ્યું "50 વર્ષથી નક્કી કરવામાં આવ્યું છે કે અમે પાકિસ્તાન સાથેના સંબંધોમાં કોઈપણ ત્રીજા પક્ષની દખલગીરી સ્વીકારીશું નહીં" વધુમાં કહ્યું કે, "અમે અમારી સાર્વભૌમત્વ, સ્વતંત્ર વ્યૂહરચના અને નાગરિકોના હિત સાથે સમાધાન કરીશું નહીં. અમે વાતચીત અને વાટાઘાટો માટે તૈયાર છીએ, પરંતુ રાષ્ટ્રીય હિત સર્વોપરી છે."