Samsung Galaxy S25 Ultra On Discount: સેમસંગે ભારતમાં તેના ફ્લેગશિપ સ્માર્ટફોન Galaxy S25 Ultra ની કિંમતમાં ઘણો ઘટાડો કર્યો છે. લોન્ચ સમયે, આ ફોનની શરૂઆતની કિંમત 1,29,999 રૂપિયા હતી. જાણો આ સ્માર્ટફોનમાં કેવી રીતે ડિસ્કાઉન્ટ મેળવું.
Samsung Galaxy S25 Ultra કિંમત
લોન્ચ સમયે, આ ફોનની શરૂઆતની કિંમત 1,29,999 રૂપિયા હતી, પરંતુ હવે તે ઓનલાઈન પ્લેટફોર્મ પર લગભગ 26,000 રૂપિયા સસ્તી થઈ ગઈ છે. હાલમાં, આ સ્માર્ટફોન ફ્લિપકાર્ટ પર 12GB રેમ અને 256GB સ્ટોરેજવાળા બેઝ વેરિઅન્ટ માટે 1,09,980 રૂપિયામાં લિસ્ટેડ છે. જો તમે તેને Amazon પરથી ખરીદો છો, તો તમને Amazon Pay ICICI Bank કાર્ડનો ઉપયોગ કરવા પર 5,495 રૂપિયાનું વધારાનું ડિસ્કાઉન્ટ મળશે, જેનાથી તેની કિંમત ઘટીને લગભગ 1,04,405 રૂપિયા થઈ જશે. બીજી તરફ, ફ્લિપકાર્ટ પર એક્સિસ બેંક કાર્ડથી ચુકવણી કરનારા ગ્રાહકોને 4,000 રૂપિયાની ઓફર મળી રહી છે, જેના પછી તેની કિંમત ઘટીને 1,05,989 રૂપિયા થઈ જશે. આ રીતે, પ્રીમિયમ ફ્લેગશિપ સ્માર્ટફોન ઈચ્છા લોકો માટે આ ડીલ ખૂબ જ સારી સાબિત થઈ શકે છે.
સ્પેસિફિકેશન અને ડિસ્પ્લે
સ્પેસિફિકેશન વિશે વાત કરીએ તો, Galaxy S25 Ultra આ વર્ષની શરૂઆતમાં ઘણા મોટા અપગ્રેડ સાથે લોન્ચ કરવામાં આવ્યો હતો. તેમાં Qualcomm નું લેટેસ્ટ Snapdragon 8 Elite “For Galaxy” પ્રોસેસર છે જે ગેમિંગ અને મલ્ટીટાસ્કીંગમાં શાનદાર પ્રદર્શન આપે છે. ફોનમાં 6.8-ઇંચ ડાયનેમિક AMOLED ડિસ્પ્લે છે, જેનું રિઝોલ્યુશન 1440x3120 પિક્સલ છે અને 120Hz નો રિફ્રેશ રેટ છે.
કેમેરા સેટઅપ
કેમેરા સેક્શન તેની સૌથી મોટી વિશેષતા છે. ફોનમાં ક્વોડ-કેમેરા સેટઅપ છે, જેમાં 200MP મુખ્ય કેમેરો છે. તેની સાથે 50MP અલ્ટ્રાવાઇડ કેમેરો અને બે ટેલિફોટો લેન્સ (3x અને 5x ઓપ્ટિકલ ઝૂમ) છે. આ ફોન વિડિઓ રેકોર્ડિંગ માટે 8K સુધી સપોર્ટ કરે છે. અને સેલ્ફી માટે 12MP ફ્રન્ટ કેમેરા છે.
બેટરી બેકઅપ
બેટરી બેકઅપમાં 5000mAh બેટરી છે જે 45W ફાસ્ટ ચાર્જિંગને સપોર્ટ કરે છે. કંપનીનો દાવો છે કે, આ બેટરી માત્ર 30 મિનિટમાં 65% સુધી ચાર્જ થઈ જાય છે. એકંદરે, Galaxy S25 Ultra હવે પહેલા કરતા ઘણું સસ્તું થઈ ગયું છે. જો તમે પ્રીમિયમ સ્માર્ટફોન ખરીદવાનું વિચારી રહ્યા છો, તો આ ડિસ્કાઉન્ટ ઓફર તમારા માટે શાનદાર તક સાબિત થઈ શકે છે.
Oppo Reno 14 5G
આ ઉપરાંત, ફ્લિપકાર્ટ પર OPPO Reno 14 5G પર પણ ડિસ્કાઉન્ટ ઉપલબ્ધ છે. તમને જણાવી દઈએ કે આ ફોનના 12GB+512GB સ્ટોરેજ વેરિઅન્ટની વાસ્તવિક કિંમત 47,999 રૂપિયા છે પરંતુ તમે તેને ફક્ત 42,999 રૂપિયામાં ખરીદી શકો છો. આ ઉપરાંત, તમને બેંક ઓફર હેઠળ 4 હજારનું વધારાનું ડિસ્કાઉન્ટ પણ મળશે. ઉપરાંત, ફોન પર 35 હજાર રૂપિયાનું એક્સચેન્જ બોનસ પણ આપવામાં આવી રહ્યું છે.
