OTT પ્લેટફોર્મ્સ આવતાની સાથે જ લોકોમાં ટ્રેન્ડ્સ પણ બદલાઈ રહ્યાં છે. હવે લોકોને પોતાની મનપસંદ ફિલ્મ જોવા માટે ક્યાંય જતા નથી. તે માત્ર ટીવી ચાલુ કરી દે છે અને જોવા લાગે છે. હવે નેટફ્લિક્સ, JioHotstar અને એમેઝોન પ્રાઇમ વીડિયો સહિત ઘણા ઓટીટી પ્લેટફોર્મ છે, જે ઘરેથી જ તમામ ચેનલ, સ્પોર્ટ્સ અને મૂવીઝ બતાવે છે. જો કે, તેના મોંઘા સબ્સ્ક્રિપ્શન તમારા ખિસ્સાનો બોજ વધારી શકે છે. આજે અમે કેટલીક ટીપ્સ લઈને આવ્યા છીએ, જેને અનુસરીને તમે તેમની સબ્સ્ક્રિપ્શનની કિંમત ઘટાડી શકો છો.
વાર્ષિક પ્લાન પસંદ કરો
મોટાભાગના OTT પ્લેટફોર્મ્સ તેમના વાર્ષિક પ્લાન પર ડિસ્કાઉન્ટ આપે છે. આ રીતે, તમે માસિક પ્લાનને બદલે વાર્ષિક પ્લાન લઈને પૈસા બચાવી શકો છો. ઉદાહરણ તરીકે, JioHotstarના એક મહિનાના પ્રીમિયમ પ્લાનની કિંમત 299 રૂપિયા છે, જ્યારે તેના વાર્ષિક પ્લાનની કિંમત માત્ર 1,499 રૂપિયા છે. જો કોઈ વ્યક્તિ માસિક પ્રીમિયમ પ્લાન લે છે, તો તેણે 12 મહિના માટે 3588 રૂપિયા ચૂકવવા પડશે, જ્યારે વાર્ષિક પ્લાન લઈને તે 2000 રૂપિયાથી વધુની બચત કરી શકે છે.
આ પ્લાનને અન્ય લોકો સાથે શેર કરો
JioHotstar અને NETFLIXસહિત લગભગ તમામ પ્લેટફોર્મ એકાઉન્ટ શેરિંગ ઓફર કરે છે. આ રીતે તમે તમારા મિત્રો અથવા પરિવારના સભ્યો સાથે તમારું અકાઉન્ટ શેર કરીને પૈસા બચાવી શકો છો. JioHotstar પ્રીમિયમ પ્લાન યુઝર્સને એક સાથે 4 ડિવાઈસ પર એક્સેસ આપે છે. આ રીતે 1499 રૂપિયાને ચાર લોકો વચ્ચે વહેંચી શકાય છે. તેનાથી ખર્ચમાં પણ ઘટાડો થાય છે.
મોબાઇલ રિચાર્જ સાથે મફત સબ્સ્ક્રિપ્શન પસંદ કરો
એરટેલ, વોડાફોન અને જિયો OTT બેનિફિટ્સ સાથે પ્રિપેઇડ પ્લાન ઓફર કરે છે. આ રીતે, સબ્સ્ક્રિપ્શન લીધા વગર પણ આ પ્લેટફોર્મ્સ પર જઈને કોન્ટેટને એક્સેસ કરી શકાય છે. જિયોના 1029 રૂપિયાના રિચાર્જમાં ડેટા, કોલિંગ અને SMS સાથે 3 મહિનાનું એમેઝોન લાઇટ મેમ્બરશિપ આપવામાં આવી રહ્યું છે. એ જ રીતે, એરટેલના 1798 રૂપિયાના પ્લાનમાં ડેટા સાથે 84 દિવસ માટે નેટફ્લિક્સનો બેઝિક પ્લાન મળી રહ્યો છે.
સ્માર્ટફોન માર્કેટના મોટા સમાચાર: OnePlus અને Realmeનું મર્જર, શું થશે ફેરફાર?
