Gujarat Police Recruitment: ગુજરાત પોલીસ ભરતી બોર્ડ (GPRB) દ્વારા જાહેરાત ક્રમાંક GPRB/202526/1 અન્વયે પોલીસ સબ-ઇન્સ્પેક્ટર (પો.સ.ઇ.) કેડરની 858 જગ્યાઓ અને લોકરક્ષક (કોન્સ્ટેબલ) કેડરની 12,733 જગ્યાઓ મળીને કુલ 13,591 જગ્યાઓની મોટા પાયે ભરતી પ્રક્રિયા ચાલુ છે. આ ભરતી માટે 10 લાખથી વધુ ઉમેદવારોએ ઓનલાઇન ઉમેદવારી નોંધાવી છે.
શારીરિક કસોટી (PET/PST)ની વિગતો અને તારીખો
આ તમામ ઉમેદવારોને રાજ્યના 15 નિર્ધારિત શહેરો/જિલ્લા/SRP જૂથ/તાલીમ કેન્દ્રોના પરીક્ષા ગ્રાઉન્ડ પર શારીરિક ક્ષમતા કસોટી (Physical Efficiency Test - PET) અને શારીરિક માપ કસોટી (Physical Standard Test - PST) માટે તારીખ 21 જાન્યુઆરી 2026 થી બોલાવવામાં આવ્યા છે.
પુરુષ ઉમેદવારોની કસોટી: 11 ગ્રાઉન્ડ પર તા. 21.01.2026 થી 13.03.2026 સુધી.
મહિલા અને માજી સૈનિક ઉમેદવારોની કસોટી: 4 ગ્રાઉન્ડ પર તા. 21.01.2026થી 06.03.2026 સુધી.
પારદર્શિતા અને સુરક્ષા માટેના વિશેષ પગલાં
ભરતી પ્રક્રિયાને સંપૂર્ણપણે પારદર્શક અને નિષ્પક્ષ રાખવા માટે બોર્ડે વ્યાપક વ્યવસ્થા કરી છે: દરેક ગ્રાઉન્ડ પર નાયબ પોલીસ મહાનિરીક્ષક/પોલીસ અધિક્ષક કક્ષાના અધિકારી ઇન્ચાર્જ તરીકે અને 90થી વધુ પોલીસ સ્ટાફની ટીમની નિમણૂક.
સુપરવિઝન માટે DIGP/IGP કક્ષાના અધિકારીઓની નિમણૂક.
તમામ ઉમેદવારોનું બાયોમેટ્રિક રજિસ્ટ્રેશન અનિવાર્ય.
દોડ કસોટીમાં આધુનિક ટેક્નોલોજીનો ઉપયોગ.
સમગ્ર પ્રક્રિયા CCTV કેમેરાની સતત નિગરાની હેઠળ.
શારીરિક માપણી (ઉંચાઈ/છાતી) આરોગ્ય વિભાગના અધિકારીઓ દ્વારા.
ગાંધીનગરમાં સેન્ટ્રલ કંટ્રોલ રૂમ દ્વારા તમામ ગ્રાઉન્ડનું રીઅલ-ટાઇમ મોનિટરિંગ.
મહત્વના ધોરણો (PET/PST) દોડ (PET):
પુરુષ: 5000 મીટર 25 મિનિટમાં.
મહિલા: 1600 મીટર 9 મિનિટ 30 સેકન્ડમાં.
માજી સૈનિક: 2400 મીટર 12 મિનિટ 30 સેકન્ડમાં.
શારીરિક માપ (PST):
પુરુષ (ST): ઉંચાઈ 162 સે.મી.
પુરુષ (અન્ય): ઉંચાઈ 165 સે.મી., છાતી 79-84 સે.મી. (ફુલાવો ઓછામાં ઓછો 5 સે.મી.).
મહિલા (ST): ઉંચાઈ 150 સે.મી.
મહિલા (અન્ય): ઉંચાઈ 155 સે.મી.
શૈક્ષણિક લાયકાત
પો.સ.ઇ. કેડર: સ્નાતક અથવા સમકક્ષ.
લોકરક્ષક કેડર: ધોરણ-12 અથવા સમકક્ષ.
આ ભરતી પ્રક્રિયા સંપૂર્ણપણે પારદર્શક અને ટેક્નોલોજી આધારિત રહેશે. ઉમેદવારોને સલાહ છે કે માત્ર સત્તાવાર વેબસાઇટ (gprb.gujarat.gov.in અથવા ojas.gujarat.gov.in) પરથી જ માહિતી મેળવે અને અફવાઓથી દૂર રહે.
