ટોઈલેટ સીટ પર બેઠા બેઠા કોર્ટની સુનાવણી સાંભળી : ગુજરાત હાઈકોર્ટના જજ સામે સુનવણી દરમિયાન ટોયલેટ સીટ પર બેઠેલો વ્યક્તિ હાજર થયો

ગુજરાત હાઈકોર્ટમાં સુનાવણી દરમિયાન કંઈક એવું બન્યું જે કોઈએ વિચાર્યું પણ નહીં હોય. એક શખ્સ ટોઈલેટ સીટ પર બેઠા બેઠા જ ગુજરાત હાઈકોર્ટના જજની સામે ઓનલાઈન સુનાવણીમાં સામેલ થયો હતો. આ ઘટનાનો વીડિયો સોશિયલ મીડિયા પર વાઈરલ થયો છે.

ગુજરાત હાઈકોર્ટમાં એક કેસની ઓનલાઈન સુનાવણી ચાલી રહી હતી. આ લાઈવ સુનાવણી દરમિયાન એક વ્યક્તિ ટોયલેટમાં શૌચ કરતો જોવા મળ્યો હતો. આ ઘટના 20 જૂનના રોજ જસ્ટિસ નિર્જર એસ દેસાઈની બેન્ચ સામે બની હતી. આ શખ્સ સમદ બેટરી નામથી લોગઈન થયો હતો.

શખ્સે કાનમાં બ્લૂટૂથ ઈયરફોન પહેર્યા હતા. સુનાવણી દરમિયાન તે પોતાનો ફોન દૂર રાખતો જોવા મળ્યો હતો. વોશરુમની બહાર નીકળતો નજરે પડ્યો. આ સમગ્ર ઘટના સોશિયલ મીડિયા પર ખુબ વાઈરલ થઈ રહી છે.