વડોદરામાં કાર અકસ્માતના વીડિયો સોશિયલ મીડિયા પર વાયરલ થઈ રહ્યા છે. આ હિચકારી ઘટનામાં 23 વર્ષીય વિદ્યાર્થીએ કાર ચલાવતા એક મહિલાને ટક્કર મારી, જેના કારણે મહિલાનું ઘટનાસ્થળે જ મૃત્યુ થયું, અને 4 લોકો ગંભીર રીતે ઘાયલ થયા છે, જેમની સારવાર હોસ્પિટલમાં ચાલી રહી છે. નશામાં ધૂત યુવકે આ અકસ્માત સર્જ્યો હતો... અકસ્માત બાદ લોકોએ કારચાલકને ઝડપીને તેને મેથીપાક ચખાડ્યો હતો. અકસ્માત સર્જનાર રક્ષિત ચોરસિયાનો વીડિયો વાયરલ થયો છે.
આરોપીને જોઈ ગુસ્સે ભરાઈ જાન્હવી
આ વાયરલ વીડિયો બોલિવૂડ અભિનેત્રી જાન્હવી કપૂરે પણ જોયો, જે બાદ તેને ઈન્સ્ટાગ્રામ પોસ્ટ શેર કરતા આક્રોશ ઠાલવ્યો છે. આ ખૂબ જ હ્રદય હચમચાવી દે તેવું અને ગુસ્સો આપનારું છે. લોકો આવું કરે છે, અને આગળ વધી જાય છે. આ કૃત્ય કેટલું ઝેરીલું છે. હવે આ મામલે બોલિવૂડ અભિનેત્રી જાન્હવી કપૂરનો પણ ગુસ્સો ફૂટ્યો છે.
પોલીસની ધરપકડમાં આરોપી
પોલીસે આરોપી રક્ષિતની ધરપકડ કરી છે. આ ઘટના હોળીની રાત્રે બની હતી જ્યારે રક્ષિત અને તેનો મિત્ર કાર ચલાવી રહ્યા હતા. કારચાલકે 5 લોકોને ટક્કર મારી, જેમાં એક મહિલાનું મોત થયું અને 4 લોકો ગંભીર રીતે ઘાયલ થયા છે.હવે પોલીસ આ મામલે કડક કાર્યવાહી કરી રહી છે. દુર્ઘટનાના વીડિયો સોશિયલ મીડિયા પર વાયરલ થયા છે, જેને જોઈ લોકો ગુસ્સે ભરાયા છે અને આરોપી વિરુદ્ધ કડક કાર્યવાહી કરવાની માંગ કરી રહ્યા છે.
