જેમ જેમ ટેકનોલોજી બદલાય છે તેમ તેમ આપણી આસપાસની દુનિયા પણ બદલાતી જાય છે. આજથી 20 કે 30 વર્ષ પાછળ જવું શક્ય નથી, પરંતુ ગૂગલ તમને તે સમયનો દૃષ્ટિકોણ બતાવવાનું કામ કરશે. હકીકતમાં, ગૂગલે ગૂગલ મેપ્સ અને ગૂગલ અર્થ માટે થઈને આવી સુવિધા રજૂ કરી છે, જે તેની જૂની સ્થિતિમાં એક ચોક્કસ સ્થાન દર્શાવે છે. એટલે કે, હવે તમે સ્માર્ટફોન અથવા કમ્પ્યુટર પર સરળતાથી જોઈ શકો છો કે 20 કે 30 વર્ષ પહેલાં કેવી દેખાતી હતી દુનિયા.
આમાં શું ખાસ છે?
તાજેતરમાં, ગૂગલે તેના મેપ્સમાં ટાઇમ મશીનનું એક ફીચર ઉમેર્યું છે. આની મદદથી, તમે ટાઈમ ટ્રાવેલ કરી શકો છો. અને તમે જે સ્થળો જોવા માગો તેનો જૂનો દેખાવ પણ જોઈ શકો છો. આ ફીચરની મદદથી તમે બિલ્ડિંગ, રોડ અથવા કોઈ ચોક્કસ સ્થળને તે સમયે જોઈ શકો છો જ્યારે તે બનાવવામાં આવ્યું હતું. ગૂગલે એક બ્લોગ પોસ્ટમાં કહ્યું કે બર્લિન, લંડન, પેરિસ જેવા શહેરોમાં વિશેષ સ્થળો 1930થી આજ સુધી જોઈ શકાય છે.
ઉપયોગ કેવી રીતે કરવો?
આ સુવિધાનો ઉપયોગ કરવા માટે, તમારે ગૂગલ મેપ્સ અથવા ગૂગલ અર્થ પર જવું પડશે અને તમે જે સ્થાન જોવા માંગો છો તે શોધવું પડશે. તે પછી, તમારે Layers વિકલ્પ પર જવું પડશે અને TimeLapse વિકલ્પ ચાલુ કરવો પડશે. આ પછી, તમે ભૂતકાળમાં જઈ શકો છો અને તે સ્થળ જોઈ શકો છો.
સ્ટ્રીટ વ્યૂમાં 280 અબજ ફોટા દેખાશે.
ગૂગલે સ્ટ્રીટ વ્યૂ ફીચરને પણ અપડેટ કર્યું છે. હવે સ્ટ્રીટ વ્યૂ કાર અને ટ્રેકર્સમાંથી લેવામાં આવેલા 280 અબજથી વધુ ફોટા બતાવશે. આની મદદથી, તમે વિશ્વના વિવિધ સ્થળોએ મુસાફરી કરી શકો છો, જેમ કે તમે વાસ્તવિક રીતે ત્યાં ગયા છો. આ સિવાય આ ફીચરની મદદથી તમે દુનિયાભરના રસ્તાઓ અને ઈમારતોને આ રીતે જોઈ શકો છો, જે બિલકુલ તમારા જેવા જ દેખાય છે. ગૂગલે લગભગ 80 દેશોમાં સ્ટ્રીટ વ્યૂ સુવિધા શરૂ કરી છે.
સ્માર્ટફોન માર્કેટના મોટા સમાચાર: OnePlus અને Realmeનું મર્જર, શું થશે ફેરફાર?
