ટેક જાયન્ટ Googleએ તેની Gemini એપમાં એક નવું ફોટો એડિટિંગ ટૂલ ‘Nano Banana’ લોન્ચ કર્યું છે. આ ટૂલ Google DeepMind દ્વારા વિકસાવવામાં આવ્યું છે અને પ્રારંભિક પરીક્ષણોમાં તેને અત્યાર સુધીનું શ્રેષ્ઠ ઇમેજ એડિટિંગ ટૂલ ગણવામાં આવ્યું હતું. હવે બધા Gemini Users માટે આ સુવિધા ઉપલબ્ધ છે.
Googleના CEO Sundar Pichaiએ તાજેતરમાં સોશિયલ મીડિયા પ્લેટફોર્મ X (પૂર્વે Twitter) પર ત્રણ કેળાના ઇમોજી પોસ્ટ કરીને આ ટૂલની ચર્ચા વધારી હતી. યુઝર્સે આ પોસ્ટને નવા ટૂલ ‘Nano Banana’ સાથે જોડીને જોયું છે.
Nano Banana શું કરી શકે?
ફોટામાં ચહેરા, પાલતુ પ્રાણી અથવા વસ્તુઓનું સ્વાભાવિક રૂપ જાળવી રાખે છે.
Usersની હેરસ્ટાઇલ બદલવી, કપડાંમાં નવા ડિઝાઇન ઉમેરવા કે પાળતુને કોસ્ચ્યુમ પહેરાવવાની સુવિધા મેળવી શકે છે.
Background બદલી શકાય છે — જેમ કે ક્લાસરૂમમાંથી સીધા સમુદ્રકાંઠે.
બે અલગ અલગ ફોટાને મર્જ કરીને એક વાસ્તવિક લાગતો ચિત્ર બનાવી શકાય છે.
ખાસ ફીચર — Design Mixing
આ સુવિધા વડે એક ચિત્રનો પેટર્ન અથવા શૈલી બીજા ફોટા પર લાગુ કરી શકાય છે. ઉદાહરણ તરીકે, ફ્લોરલ પેટર્નને કપડાં પર ઉમેરવાથી ફોટો વધુ સર્જનાત્મક બને છે.
