YouTube's server is down: ગઈકાલે સાંજે ગુગલ સેવાઓમાં મોટો આઉટેજ નોંધાયો હતો, જેના કારણે વિશ્વભરના લાખો યુઝર્સને અસર થઈ હતી. કંપનીના સ્ટ્રીમિંગ સેવા પ્લેટફોર્મ, YouTube અને Google Search માં મોટી ખામી સર્જાઈ હતી. 19 ડિસેમ્બરની સાંજે બંને સેવાઓ અચાનક કામ કરતી બંધ થઈ ગઈ હતી, જેના કારણે યુઝર્સને ઘણી અસુવિધા થઈ હતી. યુઝર્સે સોશિયલ મીડિયા પર આ આઉટેજ અંગે પોતાનો ગુસ્સો વ્યક્ત કર્યો હતો. આ ટેકનિકલ ખામીએ ભારત અને અમેરિકામાં લાખો યુઝર્સને અસર કરી હતી. જાણો સંપૂર્ણ માહિતી.
3,500 થી વધુ રિપોર્ટ્સ નોંધાયા
YouTube અને Google Search, બંને મુખ્ય પ્લેટફોર્મ, ગઈકાલે સાંજે ડાઉન થઈ ગયા. US અને ભારતમાં વ્યાપક આઉટેજના રિપોર્ટ્સ આવ્યા છે. યુઝર્સ ગુગલ સર્ચનો ઉપયોગ કરી શક્યા નહીં અથવા યુટ્યુબ પર કન્ટેન્ટ સ્ટ્રીમ કરી શક્યા નહીં. રિપોર્ટ્સ અનુસાર, આઉટેજના 3,500 થી વધુ રિપોર્ટ્સ નોંધાયા હતા. જોકે, થોડા સમય પછી બંને સેવાઓ સામાન્ય થઈ ગઈ.
54% થી વધુ યુઝર્સે કરી રિપોર્ટ કરી
54% થી વધુ યુઝર્સે Google Search પર Server ભૂલોની જાણ કરી. YouTube પર પણ પરિસ્થિતિ આવી જ હતી. યુઝર્સે હોમપેજ અને સ્ટ્રીમિંગ સમસ્યાઓ વિશે ફરિયાદ કરી. YouTube માટે, 35% યુઝર્સ ફરિયાદ કરી હતી કે, હોમપેજ સંપૂર્ણપણે લોડ થઈ રહ્યું નથી, અને આ સમસ્યા ચેનલ પેજ પર પણ થઈ રહી છે. અહીં, 12% યુઝર્સે ફરિયાદ કરી હતી કે, સાઇટ પર સ્ટ્રીમિંગ કરતી વખતે વિડિઓઝ બફર થઈ રહ્યા નથી. સોશિયલ મીડિયા પ્લેટફોર્મ પર યુઝર્સે આઉટેજ વિશેની પોસ્ટ્સ પણ શેર કરી રહ્યા હતા.
ભારતમાં ક્યાં ક્યાં વિસ્તારોમાં આઉટેજની સમસ્યાઓ થઈ?
અમેરિકા અને ભારતમાં આઉટેજની સૌથી વધુ અસર જોવા મળી. રિપોર્ટ મુજબ, દિલ્હી, મુંબઈ, બેંગલુરુ અને હૈદરાબાદમાં સૌથી વધુ સમસ્યાઓ નોંધાઈ હતી. તેવી જ રીતે, અમેરિકામાં, ન્યૂ યોર્ક, લોસ એન્જલસ અને શિકાગો જેવા વિસ્તારોમાં સૌથી વધુ ફરિયાદો મળી હતી.
