Offer on iPhone 17 : ટેક માર્કેટમાં અત્યારે પ્રીમિયમ સ્માર્ટફોન ખરીદનારાઓ માટે દિવાળી જેવો માહોલ છે. જો તમે લેટેસ્ટ ફીચર્સ ધરાવતો iPhone 17 કે પાવરફુલ Samsung Galaxy S25 ખરીદવાનું વિચારી રહ્યા છો, તો તમારા હજારો રૂપિયા બચી શકે છે. વિજય સેલ્સ અને ફ્લિપકાર્ટ પર ચાલી રહેલી ખાસ સેલમાં આ બંને ફોન પર એવી ઓફર્સ મળી રહી છે, જે ભાગ્યે જ જોવા મળે છે.
વિજય સેલ્સ Apple Days સેલ
વિજય સેલ્સ દ્વારા Apple Days 2026 સેલની જાહેરાત કરવામાં આવી છે. આ સેલ 11 એપ્રિલથી શરૂ થઈ છે અને 16 એપ્રિલ સુધી ચાલશે. આ સમયગાળા દરમિયાન એપલના તમામ ડિવાઇસ પર આકર્ષક કિંમત ઘટાડો, એક્સચેન્જ બોનસ અને બેંક ડિસ્કાઉન્ટ આપવામાં આવી રહ્યા છે.
iPhone 17 ની નવી કિંમત
iPhone 17 (256GB વેરિઅન્ટ) ભારતમાં ₹82,900 ની કિંમતે લોન્ચ થયો હતો. જોકે, આ સેલમાં તેની કિંમત ઘટાડીને ₹78,790 કરવામાં આવી છે. આ ઉપરાંત, જો તમે Axis, ICICI કે SBI બેંકના કાર્ડથી પેમેન્ટ કરો છો, તો તમને ₹3,000 નું વધારાનું ઇન્સ્ટન્ટ ડિસ્કાઉન્ટ મળશે, જેનાથી કિંમત ₹75,790 થઈ જશે.
એક્સચેન્જ ઓફરનો જાદુ
સૌથી મોટો ફાયદો એક્સચેન્જ ઓફરમાં છે. વિજય સેલ્સ જૂના ફોનના એક્સચેન્જ પર ₹10,000 સુધીનું વધારાનું એક્સચેન્જ બોનસ આપી રહ્યું છે. જો તમારા જૂના ફોનની વેલ્યુ અને બોનસ મળીને ₹21,000 જેવી બચત થાય, તો તમને નવો iPhone 17 અસરકારક રીતે માત્ર ₹55,000 ની આસપાસ પડી શકે છે. આ સિવાય ₹591 ના લોયલ્ટી પોઈન્ટ્સ પણ મળશે.
iPhone 17 ના શાનદાર ફીચર્સ
iPhone 17 માં પહેલીવાર 120Hz રિફ્રેશ રેટ સાથેની 6.3-ઇંચની ડિસ્પ્લે આપવામાં આવી છે. તેમાં નવી A19 ચિપ છે, જે ગેમિંગમાં શાનદાર એક્સપિરિયન્સ આપે છે. કેમેરાની વાત કરીએ તો 48MP ડ્યુઅલ સેટઅપ અને 18mp નો સેલ્ફી કેમેરો આપવામાં આવ્યો છે. આ ફોન ઓલવેઝ-ઓન ડિસ્પ્લે અને મજબૂત સિરામિક શીલ્ડ 2 પ્રોટેક્શન સાથે આવે છે.
Samsung Galaxy S25 પર ઓફર
બીજી તરફ, ફ્લિપકાર્ટ પર Samsung Galaxy S25 5G પર ₹5,000 નું સીધું ડિસ્કાઉન્ટ મળી રહ્યું છે. ₹74,999 નો આ ફોન અત્યારે ₹69,999 માં લિસ્ટ થયેલ છે. SBI ક્રેડિટ કાર્ડ પર ₹3,499 ની વધારાની છૂટ પણ ઉપલબ્ધ છે. જો તમે રોકડા નથી ચૂકવવા માંગતા, તો માત્ર ₹3,426 ના માસિક હપ્તા (EMI) પર પણ આ ફોન તમારો બની શકે છે.
