Ghibli Style Image : શું છે આ Ghibli ઈમેજ? સોશિયલ મીડિયામાં કેમ મચી છે આ સ્ટાઈલના ફોટા બનાવીને પોસ્ટ કરવાની ધૂમ?

Ghibli Style Image: હાલ ઈન્ટરનેટ પર કાર્ટુન ટાઈમની ઈમેજ બનાવીને પોસ્ટ કરવાની હોડ લાગી છે. સોશિયલ મીડિયા પર પોસ્ટ થતી આ કાર્ટુન ટાઈપની તસવીરોને Ghibli સ્ટાઈલ ઈમેજ કહેવામાં આવે છે. ત્યારે ખરેખર જાણવા જેવું છેકે, આખરે આ Ghibli ઈમેજ શું છે અને તેનો ઉદભવ ક્યાંથી થયો. આખરે કઈ રીતે ગણતરીની મિનિટોમાં સોશિયલ મીડિયામાં છવાઈ ગઈ આ કાર્ટુન જેવી દેખાતી તસવીરો એ જાણવાનો પ્રયાસ કરીએ.

શું છે Ghibli ઈફેક્ટ?
સોશિયલ મીડિયા પર હાલ જીભલી સ્ટાઈલમાં ફોટો વાયુવેગે વાયરલ થઈ રહ્યાં છે. આ એક ટ્રેન્ડ છે હાલમાં શરૂ થયો છે. યુઝર્સ પોતાના ફોટોને જીભલી સ્ટાઈલમાં કનર્વટ કરીને સોશિયલ મીડિયા પર પોસ્ટ કરી રહ્યાં છે.વાત એમ છે કે OpenAI દ્વારા એક નવું ફીચર રજૂ કરવામાં આવ્યું છે, જેની મદદથી યુઝર્સ તેમના ફોટાને જીબલી સ્ટાઇલમાં કન્વર્ટ કરી શકે છે. જીબલી સ્ટુડિયો પણ પોતાના વિવિધ ફોટાઓને ચેટજીપીટીની મદદથી કન્વર્ટ કરીને શેર કરી રહ્યું છે. આ ફીચર ખુબ લોકપ્રિય બન્યું છે જેથી ટ્રેન્ડિંગ થઈ ગયું છે. સ્ટુડિયો Ghibli એ એક પ્રખ્યાત જાપાની એનિમેશન સ્ટુડિયો છે, જે સુંદર એનીમ અને મૂવીઝ બનાવવા માટે વિશ્વભરમાં પ્રખ્યાત છે. તેની શરૂઆત 1985માં હાયાઓ મિયાઝાકી અને ઈસાઓ તાકાહાતા નામના બે કલાકારો દ્વારા કરવામાં આવી હતી.

AI-sa kuch trend ho raha hai, maine suna. Toh socha, what if Ghibli made cricket? pic.twitter.com/NdKptwOliM

— Sachin Tendulkar (@sachin_rt) March 27, 2025

હાલમાં ઈન્સ્ટાગ્રામથી લઈને એક્સ સુધીના તમામ પ્લેટફોર્મ પર આ પ્રકારની એઆઈ દ્વારા બનેલી ઈમેજ પોસ્ટ અને શેર કરવામાં આવી રહી છે. ‘4o Image Generation’ ફીચરે સોશિયલ મીડિયા પર લોકોનું ધ્યાન ખેંચ્યું છે અને હવે લોકો તેમના ફોટાને એનિમે સ્ટાઇલમાં અપલોડ કરી રહ્યા છે. ભારતીય ક્રિકેટર સચિન તેંડુલકરે પણ પોતાના સોશિયલ મીડિયા પ્લેટફોર્મ પર Ghibli સ્ટાઇલની ઇમેજ અપલોડ કરી છે. માસ્ટર બ્લાસ્ટર સચિન તેંડુલકર પણ આ વાયરલ ટ્રેન્ડમાં જોડાયો છે અને તેણે Ghibli તસવીરો શેર કરી છે. તેણે લખ્યું કે એઆઈનું કંઈક ટ્રેન્ડિંગ થઈ રહ્યું છે, મેં સાંભળ્યું. તેથી વિચાર્યું What is Ghibli made cricket?

કઈ રીતે તમે બનાવી શકો છો તમારી Ghibli ઈમેજ?
એઆઈ-જનરેટેડ આર્ટવર્કમાં ‘Studio Ghibli’ ના સિગ્નેચર એસ્થેટિક સાથે ક્રિએટ કરવામાં આવી રહ્યું છે. આ સુવિધા હાલમાં ચેટજીપીટી વપરાશકર્તાઓ માટે ઉપલબ્ધ છે.આ ફીચરને રજુ કરતા ઓપનએઆઈએ માહિતી આપી હતી કે જીપીટી-4ઓ ઇમેજ જનરેશન તસવીરોને સચોટ રીતે પ્રસ્તુત કરવાની, પ્રોમ્પ્ટ્સને યોગ્ય રીતે અનુસરવાની અને 40માં રહેલી જાણકારીના આધાર પર અને ચેટ કોન્ટેસ્ટનો ફાયદો લે છે અને તેને વિઝ્યુઅલ ઇંસ્પિરેશન તરીકે ઉપયોગ કરે છે અને અપલોડ કરેલા ફોટાને ટ્રાન્સફોર્મ કરે છે. નવા અપડેટ અંગે ઓપનએઆઇએ જણાવ્યું હતું કે એઆઇ સંચાલિત ઇમેજ જનરેટર્સની ક્ષમતાને કારણે હવે યુઝરની વિચારેલી ઇમેજને સચોટ રીતે બનાવવી સરળ થઇ ગઇ છે.

ચેટજીપીટી સાથે Ghibli ઇમેજ બનાવવાની રીતઃ
સૌ પ્રથમ ChatGPT લેટેસ્ટ વર્ઝન ખોલો
પ્રોમ્પ્ટ બારમાં થ્રી-ડોટ આઇકન પર ક્લિક કરો
આ પછી “Image” વિકલ્પ પર ક્લિક કરો. આ વિકલ્પ તમને ત્રણ-ડોટ મેનુ પર ક્લિક કરવાથી ‘Canvas’ સાથે દેખાશે
આ પછી તમે જે પ્રકારની ઇમેજ ક્રિએટ કરવા માંગો છો તે ધ્યાનમાં રાખતા ટેક્સ્ટ પ્રોમ્પ્ટ એન્ટર કરો
એક વખત ઇમેજ જનરેટ થઇ જાય પછી તેને ડાઉનલોડ કરો. હવે તમે જ્યાં ઇચ્છો તે પ્લેટફોર્મ પર જનરેટેડ ઇમેજ શેર કરી શકો છો.