Watching movies from unknown apps is dangerous: લોકો ઘણીવાર "ફ્રી" શબ્દ સાંભળ્યા પછી વિચાર્યા વગર ક્લિક કરે છે, પરંતુ આ આદત ઘણીવાર તમને ગંભીર મુશ્કેલીમાં મૂકી શકે છે. ખાસ કરીને એવા યુઝર્સ માટે કે, જેઓ એક પૈસો પણ ખર્ચ્યા વગર Movies અને Web Series જોવા માટે અજાણી એપ્સનો આશરો લે છે. ફ્રી Movies નો લોભ ફક્ત તમારી ડિજિટલ સુરક્ષાને નબળી પાડતો નથી પણ તમારી વ્યક્તિગત માહિતી માટે પણ મોટો ખતરો બની શકે છે.
સરકારની ચેતવણી
હાલમાં ગૃહ મંત્રાલયની પેટાકંપની Cyberdost એ Pikashow એપ અંગે ગંભીર ચેતવણી આપી છે. આ એપ દ્વારા મોટી સંખ્યામાં લોકો પાઇરેટેડ ફિલ્મો અને શો જોઈ રહ્યા છે. Cyberdost ના મતે, આ એપ આકર્ષક દેખાઈ શકે છે, પરંતુ તેનો ઉપયોગ યુઝર્સની પ્રાઇવસી અને ડેટાને જોખમમાં મૂકી શકે છે.
થર્ડ-પાર્ટી એપનો ઉપયોગથી શું નુકસાન થાય?
Pikashow જેવી એપ્સ ઓફિશિયલ પ્લેટફોર્મ પર ઉપલબ્ધ નથી. તે Google Play Store કે Apple App Store પર ઉપલબ્ધ નથી. તેથી, લોકો તેને APK ફાઇલો દ્વારા થર્ડ-પાર્ટી વેબસાઇટ્સ પરથી ડાઉનલોડ કરે છે. આ તે જગ્યા છે જ્યાં માલવેર અથવા સ્પાયવેર તમારા ફોનમાં દાખલ થઈ શકે છે. એકવાર આવા સોફ્ટવેર ઇન્સ્ટોલ થઈ જાય, પછી તે તમારા ડોક્યુમેન્ટ્સ, કોન્ટેક્ટ, મેસેજ અને સંવેદનશીલ બેંકિંગ માહિતી પણ ઍક્સેસ કરી શકે છે.
ફ્રીમાં ફિલ્મો જોવી એ કાનૂની ગુનો
Cyberdost એ પણ સ્પષ્ટતા કરી હતી કે, આવી પાઇરેટેડ એપ્લિકેશનો માત્ર ટેકનિકલ જોખમ જ નહીં પરંતુ કાનૂની સમસ્યાઓ પણ ઊભી કરી શકે છે. ભારતમાં પાઇરેટેડ કન્ટેન્ટ જોવા અને તેનો પ્રચાર કરવો એ ફોજદારી ગુનો છે. તેથી, ફ્રી ફિલ્મો જોવાની આદત તમને કાનૂની મુશ્કેલીમાં મુકી શકે છે.
ડિજિટલ સેફટી માટે ખતરો
આ સમગ્ર મામલામાંથી એક વાત સ્પષ્ટ છે કે, થોડી સાવધાની તમને મોટા નુકસાનથી બચાવી શકે છે. અજાણી વેબસાઇટ્સ અથવા APK ફાઇલોમાંથી એપ્લિકેશન્સ ઇન્સ્ટોલ કરવી એ તમારી ડિજિટલ સલામતી માટે ખતરો છે. વિશ્વસનીય, ઓફિશિયલ Apple App Store અથવા Google Play Store પરથી Apps ડાઉનલોડ કરવી હંમેશા સમજદારીભર્યું છે. ફ્રીમાં તમારી પ્રાઇવસી, પૈસા અને માનસિક શાંતિ જોખમમાં મૂકવી એ સમજદારીભર્યો નિર્ણય નથી.
