ચાઈનીઝ સ્ટાર્ટઅપ DEEPSEEKના AI મોડલની આ દિવસોમાં ખૂબ ચર્ચા થઈ રહી છે. હકિકતમાં, ઓછી કિંમતના મોડેલે અમેરિકન કંપનીઓના મોંઘા મોડલને પાછળ છોડી દીધા છે. એક તરફ, ચાઇનીઝ મોડલ તેમની ઓછી કિંમતના કારણે હેડલાઇન્સમાં છે, તો બીજી તરફ તેમના પર માહિતીને સેન્સર કરવાનો આરોપ પણ લગાવવામાં આવી રહ્યો છે. ચીનની ટીકા સહિત આવા અનેક સવાલો છે, જેના જવાબ આપવા માટે તે સંઘર્ષ કરી રહ્યું છે. અરુણાચલ પ્રદેશ સાથે સંબંધિત એક પ્રશ્ન પણ છે, જેનો જવાબ ડીપસીકના AI મોડલ પાસે છે જ નહીં.
અરુણાચલ પ્રદેશના પ્રશ્નનો આ જવાબ આપ્યો
એક યુઝરે સોશિયલ મીડિયા પર સ્ક્રીનશોટ શેર કર્યો છે. તેમાં દેખાય છે કે જ્યારે યુઝરે ડીપસીકના એઆઈ મોડલને કહ્યું કે અરુણાચલ પ્રદેશ ભારતનું રાજ્ય છે, તો જવાબમાં ડીપસીકે કહ્યું, 'માફ કરશો, અત્યારે આ મારા દાયરાની બહાર છે. ચાલો કંઈક બીજી વાત કરીએ. ઘણા યુઝર્સે એમ પણ કહ્યું છે કે આ ચેટબોટ 1989ની તિયાનમેન સ્ક્વેર ઘટના જેવા વિષયો પર કોઈ માહિતી આપતું નથી. ઘણી વખત તે આવા જવાબો આપે છે, જે ચીન સરકારના પ્રચારથી પ્રભાવિત હોય છે.
કંપનીના સર્વર ચીનમાં છે
ડીપસીકના સર્વર ચીનમાં છે, જેના કારણે અનેક સવાલો ઉભા થઈ રહ્યા છે. ચીનમાં સાયબર સુરક્ષાના કડક કાયદા છે. આ હેઠળ, કંપનીઓએ સરકાર સાથે ડેટા શેર કરવો પડી શકે છે, જેનાથી સરકારી દેખરેખનું જોખમ વધી જાય છે. તેને જોતા ઘણા દેશોની સરકારોએ ચાઈનીઝ એપ્સ પર પ્રતિબંધ લગાવી દીધો છે. ભારતમાં TikTok સહિત ઘણી ચાઈનીઝ એપ બ્લોક કરવામાં આવી છે.
