OpenAI ના CEO સેમ ઓલ્ટમેને ChatGPT એપમાં એક અનોખુ ફીચર રજૂ કર્યું છે. આ નવું ફીચર યુઝર્સને તેમના સેલ્ફીને સાન્તાક્લોઝ-થીમ આધારિત વિડિઓ મેસેજમાં રૂપાંતરિત કરવાની મંજૂરી આપે છે. આ ફીચર મનોરંજક અને ઇન્ટરેક્ટિવ રજા અનુભવ બનાવવા માટે એડવાન્સ ઇમેજ રિક્રિએશન અને AI-જનરેટેડ વિડિઓને એકીકૃત રીતે જોડે છે. આ ફીચર OpenAI ના મલ્ટિમોડલ AI ને બધા યુઝર માટે લાવવામાં આવેલ છે, જે કન્ટેન્ટ બનાવવા માટે ટેક્સ્ટ, ઇમેજ અને વિડિઓને એકસાથે લાવે છે. આ નવું ChatGPT ફીચર ફ્રી અને પ્લસ બંને યુઝર માટે ઉપલબ્ધ છે. જાણો કે, ChatGPT યુઝર્સ માટે ક્રિસમસ પર શું નવું લાવી છે.
OpenAI ના CEO નો સંકેત
OpenAI ના CEO સેમ ઓલ્ટમેને સોશિયલ મીડિયા સાઇટ X પર પોસ્ટ કરીને લખ્યું, "આ એક નાનો સંકેત છે: 🎁." આ એક રહસ્યમય સંદેશ છે, જે ફીચર તરફ સંકેત આપે છે. જોકે, યુઝર્સે તેને સમજી લીધું, અને જાહેર કર્યું કે, આ ચિહ્ન નવા ફીચરને એક્ટિવ કરે છે.
ChatGPT પર નવા ફીચરનો ઉપયોગ કેવી રીતે કરવો
યુઝર્સે જોયું કે, જ્યારે ChatGPT માં 🎁 ગિફ્ટ ઇમોજી મોકલવામાં આવે છે ત્યારે નવું ફીચર એક્ટિવ થાય છે.
પછી ChatGPT યુઝર્સને સેલ્ફી અપલોડ કરવા અથવા ક્લિક કરવા કહે છે.
આ સેલ્ફી OpenAI ના વિડીયો-જનરેશન મોડલ, Sora દ્વારા પ્રોસેસ કરવામાં આવે છે, જે એક વ્યક્તિગત સાન્ટા વિડીયો સંદેશ બનાવે છે.
વિડિઓમાં, સાન્ટા રમૂજી રીતે યુઝર્સને કહે છે કે, આ વર્ષ સારું રહ્યું છે કે, ખરાબ, બધું રમૂજી રીતે.
એ નોંધવું યોગ્ય છે કે યુઝર્સના વિડિઓની થીમ અને એસ્થેટિક પર કોઈ કંટ્રોલ નથી, કારણ કે Sora તેને જાતે જનરેટ કરે છે.
ત્યારપછી ક્રિએટ કરવામાં આવેલ કન્ટેન્ટ ChatGPT સાથેની અગાઉની વાતચીતોના આધારે બનાવવામાં આવે છે, જેમાં એક વ્યક્તિગત તત્વ અને એક આશ્ચર્યજનક તત્વ ઉમેરવામાં આવે છે. આ ChatGPT ફીચર હાલમાં ફક્ત ChatGPT મોબાઇલ એપ્લિકેશન પર જ ઉપલબ્ધ છે.
