Chardham Yatra 2026: ઉત્તરાખંડની અર્થવ્યવસ્થાની કરોડરજ્જુ ગણાતી પવિત્ર ચારધામ યાત્રા પર આ વર્ષે વૈશ્વિક અશાંતિ અને યુદ્ધના વાદળો ઘેરાયા છે. ઈરાન, ઈઝરાયેલ અને અમેરિકા વચ્ચે વધતા જતા તણાવની સીધી અસર હવે શ્રદ્ધાળુઓના ઉત્સાહ પર જોવા મળી રહી છે. યાત્રા શરૂ થવામાં હવે ગણતરીના દિવસો જ બાકી છે, ત્યારે રજીસ્ટ્રેશનના આંકડામાં આવેલો મોટો ઘટાડો પર્યટન વેપારીઓ માટે ચિંતાનો વિષય બન્યો છે. ગત વર્ષની સરખામણીએ આ વખતે શ્રદ્ધાળુઓ પ્રવાસનું આયોજન કરતા ખચકાઈ રહ્યા હોય તેવું સ્પષ્ટ જણાય છે.
આંકડાકીય દ્રષ્ટિએ જોઈએ તો, ગયા વર્ષે યાત્રાના પ્રારંભિક તબક્કામાં જ અંદાજે 17 લાખથી વધુ શ્રદ્ધાળુઓએ રજીસ્ટ્રેશન કરાવ્યું હતું, જ્યારે આ વર્ષે અત્યાર સુધીમાં માત્ર 11,07,841 લોકોએ જ નોંધણી કરાવી છે. એટલે કે સીધો 6 લાખ જેટલો ઘટાડો નોંધાયો છે. 19 એપ્રિલથી શરૂ થનારી આ આસ્થાની સફર માટે પર્યટન વ્યવસાય સાથે સંકળાયેલા લોકો હવે 'વેઈટ એન્ડ વોચ'ની સ્થિતિમાં છે. યુદ્ધને કારણે વધતી જતી મોંઘવારી અને અસ્થિરતાને પગલે ભક્તો અત્યારે યાત્રા પર જવાનું જોખમ ટાળી રહ્યા છે.
ઇંધણના ભાવમાં ઉછાળાની આશંકા: ટ્રાવેલ ઓપરેટરો કેમ ડરી રહ્યા છે?
ચારધામ યાત્રાના મુખ્ય વ્યવસાયીઓ એટલે કે ટ્રાવેલ ઓપરેટરો અત્યારે એડવાન્સ બુકિંગ લેવાથી દૂર ભાગી રહ્યા છે. પર્યટન વ્યવસાયીઓના જણાવ્યા અનુસાર, મધ્ય પૂર્વમાં યુદ્ધની સ્થિતિને કારણે આંતરરાષ્ટ્રીય બજારમાં ક્રૂડ ઓઈલના ભાવ વધવાની પૂરેપૂરી શક્યતા છે. જો ડીઝલ અને પેટ્રોલના ભાવમાં અચાનક વધારો થાય, તો જૂના ભાવે લીધેલા બુકિંગ ટ્રાવેલ એજન્ટો માટે મોટું આર્થિક નુકસાન લાવી શકે છે. આ જ કારણ છે કે મોટાભાગની ટ્રાવેલ એજન્સીઓએ અત્યારે નવી બુકિંગ સ્વીકારવાનું બંધ રાખ્યું છે.
આ પણ વાંચો: ₹2 લાખ કરોડ પાર GST! : ગુજરાત SGST માં 18.7% વધારો શું સંકેત આપે છે?
છેલ્લા પાંચ વર્ષમાં શ્રદ્ધાળુઓની સંખ્યા પર એક નજર
ચારધામ યાત્રામાં દર વર્ષે શ્રદ્ધાળુઓના આંકડામાં ઉતાર-ચઢાવ જોવા મળ્યા છે, જે નીચે મુજબ છે:
વર્ષ | શ્રદ્ધાળુઓની સંખ્યા | યાત્રા પર મુખ્ય અસર |
2022 | 17,63,549 | કોરોના બાદ યાત્રા ખુલતા ભારે ભીડ |
2023 | 18,35,000 | શ્રદ્ધાળુઓની સંખ્યાનો નવો રેકોર્ડ |
2024 | 14,35,341 | ખરાબ હવામાન અને ચોમાસાની અસર |
2025 | 16,60,224 | ભારત-પાક તણાવ છતાં ઉત્સાહ જોવા મળ્યો |
2026 (અત્યાર સુધી) | 11,07,841 | વૈશ્વિક યુદ્ધ અને મોંઘવારીની અસર |
હોટલ ઉદ્યોગને મોટો ફટકો: બુકિંગ થયા 'હોલ્ડ'
માત્ર ટ્રાન્સપોર્ટ જ નહીં, પરંતુ હોટલ બિઝનેસ પણ આ મંદીની ઝપેટમાં આવ્યો છે. જ્યારે બદ્રીનાથ અને કેદારેશ્વરના કપાટ ખુલવાની તારીખ જાહેર થઈ ત્યારે બુકિંગમાં તેજી જોવા મળી હતી, પરંતુ જેવો ઈરાન-અમેરિકા સંઘર્ષ વકર્યો, કે તરત જ અનેક મુસાફરોએ પોતાના બુકિંગ 'હોલ્ડ' પર મુકાવી દીધા છે. નવા ગ્રાહકો શોધવા અત્યારે હોટલ સંચાલકો માટે મુશ્કેલ બની રહ્યા છે.
ક્યારે ખુલશે કયા ધામના કપાટ?
આ વર્ષે બદ્રીનાથ ધામના કપાટ ગયા વર્ષ કરતા 11 દિવસ વહેલા ખુલવાના છે:
ગંગોત્રી અને યમુનોત્રી ધામ: 19 એપ્રિલ 2026 (અક્ષય તૃતીયા).
બદ્રીનાથ ધામ: 23 એપ્રિલ 2026, સવારે 6:15 વાગ્યે.
યાત્રા માટે રજીસ્ટ્રેશનની ૩ સરળ રીતો
જો તમે આ પરિસ્થિતિમાં પણ યાત્રા પર જવા માંગતા હોવ, તો સરકાર દ્વારા નીચે મુજબની વ્યવસ્થા કરવામાં આવી છે:
ઓફિશિયલ વેબસાઇટ:
registrationandtouristcare.uk.gov.inપર જઈને ઓનલાઈન ફોર્મ ભરી શકાય છે.મોબાઇલ એપ:
Tourist Care Uttarakhandએપ ડાઉનલોડ કરીને ડિજિટલ પાસ મેળવી શકાય છે.વોટ્સએપ સુવિધા: તમારા મોબાઈલમાંથી 8394833833 નંબર પર “Yatra” લખીને મેસેજ કરવાથી પણ નોંધણી થઈ જશે.
