એક કા તીન કૌભાંડ : કૌભાંડી ઝાલાના ઘરેથી મળ્યો વૈભવી કારનો કાફલો, ગાડીઓ લઈ ગાંધીનગર પહોંચી CID ક્રાઈમ

લોકો સાથે છેતરપિંડી કરીને કરોડો રૂપિયા ચાંઉ કરી જનારા બીઝેડ ગ્રૂપનો ભૂપેન્દ્રસિંહ ઝાલા હાલ ભુગર્ભમાં ઉતરી ગયો છે. સીઆઈડી ક્રાઈમ દ્વારા તેની શોધખોળ કરવામાં આવી રહી છે. એ દરમિયાન સીઆઈડી ક્રાઈમની ટીમે તેના ઘરેથી મોંઘીદાટ ગાડીઓનો કાફલો જપ્ત કર્યો છે. પોલીસની સ્પેશિયલ ટીમ આ વૈભવી ગાડીઓનો કાફલો લઈને ગાંધીનગર પહોંચી. હાલ આ વીડિયો પણ સોશિયલ મીડિયામાં ખુબ વાયરલ થઈ રહ્યો છે. આરોપી ભૂપેન્દ્રસિંહ ઝાલા પાસે એક બે નહીં અનેક વૈભવી ગાડીઓ મળી આવી છે.