Google End of Year Sale Begins: Google ભારતમાં તેનો End of Year Sale શરૂ કરી દીધો છે, જેમાં Pixel સ્માર્ટફોન તેમજ કંપનીના અન્ય પ્રોડક્ટસ પર આકર્ષક ડિસ્કાઉન્ટ આપવામાં આવી રહ્યું છે. આ સેલમાં નવી Pixel 10 સીરિઝ સામેલ કરવામાં આવી છે, જેમાં Pixel 10, Pixel 10 Pro, Pixel 10 Pro XL અને Pixel 10 Pro Fold જેવા મોડલનો સમાવેશ થાય છે. આ સિવાય Pixel Watch 3 અને Pixel Buds સીરીઝની કિંમતોમાં પણ ઘટાડો કરવામાં આવ્યો છે. Pixel 9 પર સૌથી વધુ ડિસ્કાઉન્ટ આપવામાં આવી રહ્યું છે. ગ્રાહકો પાસે તેને 21,600 રૂપિયાના ફ્લેટ ડિસ્કાઉન્ટ પર ખરીદવાની તક છે. જાણો સેલની ડીલ્સ વિશેની સંપૂર્ણ માહિતી.
Pixel 10 પર ડિસ્કાઉન્ટ
Google નો End of Year Sale 2025 હાલમાં લાઇવ છે અને 2 જાન્યુઆરી, 2026 ના રોજ રાત્રે 11:59 વાગ્યા સુધી ચાલશે. આ સમયગાળા દરમિયાન, Google Pixel 10 ખરીદવા પર HDFC બેંક ક્રેડિટ કાર્ડ EMI ટ્રાન્ઝેક્શન દ્વારા રૂ. 7,000 નું ઇન્સ્ટન્ટ કેશબેક આપવામાં આવી રહ્યું છે. કંપની Pixel 10 Pro, Pixel 10 Pro XL અને Pixel 10 Pro Fold પર રૂ. 10,000 સુધીનું ઈન્સ્ટન્ટ કેશબેક ઓફર કરી રહી છે. Google નું કહેવું છે કે, આ તમામ સ્માર્ટફોન્સ પર 24 મહિના સુધી નો-કોસ્ટ EMI ઓપ્શન પણ ઉપલબ્ધ છે, જે મોંઘા પ્રીમિયમ ફોન ખરીદવાનું થોડું સરળ બનાવે છે.
Pixel 9 નું ડિસ્કાઉન્ટ
Pixel 10 સીરીઝની સાથે સાથે જૂના મોડલની કિંમતોમાં પણ સારો ઘટાડો જોવા મળી રહ્યો છે. Pixel 9 હવે રૂ. 58,399 માં ઉપલબ્ધ છે, તેની લોન્ચ કિંમત રૂ. 79,999 થી ઘટી છે. આ લાઇનઅપમાં સૌથી વધુ ડિસ્કાઉન્ટેડ ફોન છે, જેના પર ગ્રાહકો 21,600 રૂપિયા બચાવી શકે છે. વધુમાં, Google Pixel 9 Pro Fold ને 1,62,999 રૂપિયામાં ખરીદી શકાય છે, જે તેની શરૂઆતની કિંમત 1,72,999 રૂપિયા કરતાં 10,000 રૂપિયા ઓછી છે. આ સેલમાં Pixel 9a પણ સસ્તો થઈ ગયો છે અને હવે તે 44,999 રૂપિયામાં ઉપલબ્ધ છે, જ્યારે લોન્ચ સમયે તેની કિંમત 49,999 રૂપિયા રાખવામાં આવી હતી.
ઇયરબડ્સ અને સ્માર્ટવોચ પર ડિસ્કાઉન્ટ
સ્માર્ટફોન ઉપરાંત Google ના End of Year Sale માં વેરેબલ અને ઓડિયો પ્રોડક્ટ્સ પર પણ ડિસ્કાઉન્ટ આપવામાં આવી રહ્યું છે. Pixel Watch 3 ની કિંમતમાં લગભગ 5,000 રૂપિયાનો ઘટાડો કરવામાં આવ્યો છે અને હવે તે 22,915 રૂપિયામાં ઉપલબ્ધ છે. Pixel Buds Pro 2 ની કિંમતમાં પણ લગભગ 3,000 રૂપિયાનો ઘટાડો થયો છે, જેના પછી આ TWS ઇયરબડ્સ 19,900 રૂપિયામાં ખરીદી શકાય છે.
