Bharuch Controversy: ભરૂચની ઐતિહાસિક અને રાષ્ટ્રીય ધરોહર સમાન જુમ્મા મસ્જિદના વિવાદને લઈને સ્થાનિક રાજકારણ અને સામાજિક વાતાવરણ ગરમાયું છે. આ મસ્જિદ વાસ્તવમાં 'જૈન સમરી વિહાર' હોવાના દાવા સાથે આજે એક ભવ્ય પદયાત્રાનું આયોજન કરવામાં આવ્યું છે, જેના પગલે સમગ્ર વિસ્તારમાં ભારે તણાવપૂર્ણ શાંતિ જોવા મળી રહી છે. શ્રી ચક્રધર સ્વામીના અનુયાયીઓ અને મુક્તાનંદ સ્વામીની આગેવાની હેઠળ આજે હોસ્ટેલ ગ્રાઉન્ડથી આ પદયાત્રા નીકળનાર છે. આ આંદોલન અને પદયાત્રાના પગલે કાયદો અને વ્યવસ્થાની સ્થિતિ જળવાઈ રહે તે માટે વહીવટી તંત્ર સફાળું જાગ્યું છે. જુમ્મા મસ્જિદનો મેઈન ગેટ તુરંત પ્રભાવથી બંધ કરી દેવામાં આવ્યો છે અને સમગ્ર વિસ્તારને પોલીસ છાવણીમાં ફેરવી દેવાયો છે.
જામા મસ્જિદ વિવાદ મામલે આજે હિન્દુ સંગઠનો દ્વારા એક વિશાળ રેલી કાઢવામાં આવી હતી, જે વિરોધ પ્રદર્શન સાથે કલેક્ટર કચેરીએ પહોંચી હતી. જો કે, કલેક્ટર કચેરીમાં માત્ર ગણતરીના લોકોને જ પ્રવેશ આપવામાં આવતા ત્યાં હાજર લોકોમાં ભારે અસંતોષ ફેલાયો હતો અને વિવાદ સર્જાયો હતો. આ દરમિયાન પરિસ્થિતિ વણસતા કલેક્ટર કચેરી ખાતે પોલીસ તંત્ર અને સંગઠનના અગ્રણીઓ વચ્ચે ઉગ્ર ઘર્ષણના દ્રશ્યો જોવા મળ્યા હતા.
પુરાતત્વ વિભાગની નોટિસ બાદ મુદ્દો બન્યો ચર્ચાનો વિષય
જુમ્મા મસ્જિદ રાષ્ટ્રીય ધરોહર તરીકે નોંધાયેલ સ્મારક હોવાને કારણે તેની જાળવણી અને સંરક્ષણની જવાબદારી પુરાતત્વ વિભાગ પર આવે છે. સૂત્રોના જણાવ્યા અનુસાર, મસ્જિદના જાળવણી સંબંધિત મુદ્દાઓને લઈને પુરાતત્વ વિભાગ દ્વારા અગાઉ જિલ્લા કલેક્ટરને લેખિત નોટિસ પાઠવવામાં આવી હતી. ત્યારબાદ આ મુદ્દો વધુ ચર્ચામાં આવ્યો હતો. આ સમગ્ર મામલામાં વિવિધ પક્ષો પોતાના-પોતાના દાવા અને રજૂઆતો કરી રહ્યા છે. જોકે, ઐતિહાસિક અને કાનૂની હકીકતો અંગે અંતિમ નિર્ણય સંબંધિત સત્તાધિકારીઓ અને ન્યાયિક પ્રક્રિયા દ્વારા જ સ્પષ્ટ થઈ શકે છે.
પદયાત્રાને લઈને સુરક્ષા વ્યવસ્થામાં વધારો
આજે યોજાનારી પદયાત્રા હોસ્ટેલ ગ્રાઉન્ડથી પ્રારંભ થવાની છે. પદયાત્રા દરમિયાન કોઈ અનિચ્છનીય ઘટના ન બને તે માટે શહેરના સંવેદનશીલ વિસ્તારોમાં વધારાનો પોલીસ બંદોબસ્ત ગોઠવવામાં આવ્યો છે. ખાસ કરીને જુમ્મા મસ્જિદ આસપાસના વિસ્તારમાં ચુસ્ત સુરક્ષા વ્યવસ્થા કરવામાં આવી છે. પરિસ્થિતિને ધ્યાનમાં રાખીને જુમ્મા મસ્જિદનો મુખ્ય પ્રવેશદ્વાર પણ બંધ રાખવામાં આવ્યો હોવાનું જાણવા મળ્યું છે. સ્થળ પર પોલીસનો કાફલો ખડકી દેવામાં આવ્યો છે અને સતત પેટ્રોલિંગ કરવામાં આવી રહ્યું છે.
કલેક્ટર અને ઉચ્ચ અધિકારીઓએ કર્યું નિરીક્ષણ
જિલ્લા કલેક્ટર સહિત વહીવટી અને પોલીસ વિભાગના ઉચ્ચ અધિકારીઓએ પણ જુમ્મા મસ્જિદ વિસ્તારની મુલાકાત લઈને સુરક્ષા વ્યવસ્થાનું નિરીક્ષણ કર્યું હતું. અધિકારીઓએ સ્થળ પર તૈનાત દળોને જરૂરી સૂચનાઓ આપી હતી તેમજ સમગ્ર સ્થિતિ પર નજીકથી નજર રાખવામાં આવી રહી હોવાનું જણાવ્યું હતું. વહીવટી તંત્ર દ્વારા શહેરના નાગરિકોને શાંતિ જાળવવા અને કોઈપણ પ્રકારની અફવાઓથી દૂર રહેવા અપીલ કરવામાં આવી છે. સોશિયલ મીડિયા પર ભ્રામક અથવા ઉશ્કેરણીજનક માહિતી ન ફેલાય તે માટે પણ ખાસ મોનીટરીંગ કરવામાં આવી રહ્યું છે.
શહેરમાં શાંતિપૂર્ણ વાતાવરણ જાળવવા તંત્રની અપીલ
ભરૂચ જેવા ઐતિહાસિક અને સાંસ્કૃતિક મહત્ત્વ ધરાવતા શહેરમાં જુમ્મા મસ્જિદ સંબંધિત મુદ્દો હાલમાં ચર્ચાના કેન્દ્રમાં છે. આજે યોજાનારી પદયાત્રા અને તેના પગલે ઉભી થયેલી પરિસ્થિતિને લઈને સમગ્ર જિલ્લાની નજર ભરૂચ પર કેન્દ્રિત થઈ છે. વહીવટી તંત્ર દ્વારા કાયદો અને વ્યવસ્થાની સ્થિતિ જાળવવા માટે તમામ જરૂરી પગલાં લેવામાં આવ્યા હોવાનું જણાવાયું છે. શહેરમાં હાલ સ્થિતિ નિયંત્રણમાં હોવાનું અધિકારીઓ જણાવી રહ્યા છે, જ્યારે વિવિધ પક્ષોની ગતિવિધિઓ પર પણ સતત નજર રાખવામાં આવી રહી છે. આગામી કલાકોમાં પદયાત્રા અને તેની આસપાસની ઘટનાઓ પર સૌની નજર રહેશે.
ઉલ્લેખનીય છે કે તાજેતરમાં જ પુરાતત્વ વિભાગ (ASI) દ્વારા આ રાષ્ટ્રીય ધરોહરની જાળવણીના મુદ્દે ભરૂચ કલેક્ટરને એક લેખિત નોટિસ પણ આપવામાં આવી હતી. આજે પરિસ્થિતિ વણસે નહીં તે માટે કલેક્ટર સહિતના ઉચ્ચ વહીવટી અને પોલીસ અધિકારીઓએ રૂબરૂ ઘટનાસ્થળની મુલાકાત લઈને સુરક્ષા વ્યવસ્થાનું નિરીક્ષણ કર્યું છે અને ચુસ્ત પોલીસ કાફલો તૈનાત કરી દીધો છે.
