Apple foldable iPhone: એપલના ફોલ્ડેબલ આઇફોન વિશે ઘણા સમયથી લીક્સ બહાર આવી રહ્યા છે, તેની ડિઝાઇન, બેટરી અને Durability વિશે નવા લીક્સ સામે આવ્યા છે. જોકે કંપનીએ હજુ સુધી ડિવાઇસના લોન્ચિંગ વિશે કંઈ પુષ્ટિ આપી નથી, પરંતુ સૂત્રોના ઘણા અહેવાલો સૂચવે છે કે એપલ તેના પહેલા ફોલ્ડેબલ આઇફોનને એક શ્રેષ્ઠ ઉત્પાદન બનાવવા માટે સખત મહેનત કરી રહી છે. એપલ આ ફોલ્ડેબલ આઇફોન પર ખૂબ ધ્યાન કેન્દ્રિત કરી રહ્યું છે અને કંપની તેને સ્લિમ રાખવાની સાથે તેની પાવર કાર્યક્ષમતામાં સુધારો કરશે.
કોરિયન ન્યૂઝ એગ્રીગેટર yeux1122 ના અહેવાલ મુજબ, રિલીઝ થનારી પહેલી એપલ ફોલ્ડેબલ પ્રોડક્ટનો હેતુ તેના ડિસ્પ્લે DDI ઘટકોને સુધારીને તેને પાતળું બનાવવાનો છે. વિશ્લેષકો મિંગ-ચી કુઓ અને જેફ પુ તેમજ લીકર ડિજિટલ ચેટ સ્ટેશનના જણાવ્યા અનુસાર, ફોલ્ડેબલ આઇફોનમાં 7.8-ઇંચનો પ્રાઈમરી ડિસ્પ્લે અને 5.5-ઇંચની કવર ડિસ્પ્લે હોવાની અપેક્ષા છે. આ દર્શાવે છે કે એપલે ડિવાઇસના હાર્ડવેર પાસાઓને અંતિમ સ્વરૂપ આપી દીધું છે.
સેમસંગના Z ફોલ્ડ જેવી જ છે આ ડિઝાઇન
આ ડિવાઈસમાં સેમસંગના ગેલેક્સી ઝેડ ફોલ્ડ જેવી જ ડિઝાઇન હોવાનું કહેવાય છે, જે ગેલેક્સી ઝેડ ફ્લિપની જેમ ઊભી રીતે ખુલવાને બદલે આડી રીતે ખુલશે. Durability ની દ્રષ્ટિએ એપલ ફોલ્ડેબલ આઇફોનના હિન્જમાં પ્રવાહી ધાતુનો ઉપયોગ કરવા જઈ રહ્યું છે. જે તેને સેમસંગ ઝેડ ફોલ્ડ કરતાં પણ વધુ સારું બનાવી શકે છે. આ સામગ્રીનો ઉપયોગ પહેલાથી જ સિમ ઇજેક્ટર પિન જેવા નાના ઘટકોમાં થઈ રહ્યો છે, જે તેમની મજબૂતાઈ અને Durability માટે જાણીતા છે. હિન્જમાં પ્રવાહી ધાતુનો સમાવેશ કરીને, એપલ સ્ક્રીન ક્રીઝિંગ ઘટાડવા અને Durability સુધારવાની આશા રાખે છે.
The foldable iPhone could feature impressive battery life
— iPLUG NG 🇳🇬 (@iplugsupport) March 21, 2025
Apple is focusing on improving energy efficiency while reducing the thickness of key components in its upcoming foldable iPhone. According to a new report based on sources in the company's supply chain, battery capacity… pic.twitter.com/ChsyAnDuFy
સૌથી પાતળું ફોલ્ડેબલ
Dongguan EonTec આ સામગ્રીનો વિશિષ્ટ સપ્લાયર છે. આ ડિવાઈસ અત્યંત પાતળું હોવાની અપેક્ષા છે, ખોલવામાં આવે ત્યારે ફક્ત 4.5mm અને ફોલ્ડ કરવામાં આવે ત્યારે 9mm થી 9.5mm ની વચ્ચે. આનાથી તે બજારમાં સૌથી પાતળા ફોલ્ડેબલ સ્માર્ટફોનમાંથી એક બનશે. આ સ્લિમ પ્રોફાઇલ હાંસલ કરવા માટે એપલ ફેસ આઈડી છોડી શકે છે અને તેના બદલે પાવર બટનમાં ટચ આઈડી સેન્સર ઉમેરી શકે છે.
ફોલ્ડેબલ આઇફોનની કિંમત
ફોલ્ડેબલ આઇફોનમાં ટાઇટેનિયમ ચેસિસ હોવાની પણ અફવા છે, જે તેની પ્રીમિયમ બિલ્ડ ગુણવત્તામાં વધારો કરે છે. એપલ બેટરી લાઇફ સુધારવા પર પણ ધ્યાન કેન્દ્રિત કરી રહ્યું છે. ફોલ્ડેબલ આઇફોનમાં હાઇ-ડેન્સિટી બેટરી હોવાની અપેક્ષા છે. લીક્સ અનુસાર તેની શરૂઆતની કિંમત લગભગ $2,300 એટલે કે આશરે રૂ. 1,98,000 છે, જે તેને એક ખાસ પ્રોડક્ટ બનાવી શકે છે.
