Appleએ વૈશ્વિક સ્તરે તેની સેલ્સ ટીમનું કદ ઘટાડવા માટે પ્રક્રિયા શરૂ કરી છે. કંપનીના આ પગલાને ઉદ્યોગ નિષ્ણાતો એક મહત્વપૂર્ણ પુનર્ગઠન તરીકે જોઈ રહ્યા છે, કારણ કે આ નિર્ણય કેટલીક ટીમોમાં સીધી છટણી તરફ દોરી શકે છે.
કંપનીના પ્રવક્તાએ રોઇટર્સને જણાવ્યું હતું કે એપલ અન્ય વિભાગોમાં ભરતી ચાલુ રાખશે. પ્રવક્તાના જણાવ્યા મુજબ સેલ્સ વિભાગમાંથી પ્રભાવિત થનારા કર્મચારીઓને કંપનીની અન્ય ખાલી જગ્યાઓ માટે અરજી કરવાનો વિકલ્પ ઉપલબ્ધ રહેશે, જેથી આંતરિક પરિવર્તન દ્વારા નોકરી ચાલુ રાખવાની શક્યતા સર્જાઈ શકે.
બ્લૂમબર્ગના રિપોર્ટ અનુસાર એપલની એ ટીમો સૌથી વધુ અસર હેઠળ આવી શકે છે, જે કોર્પોરેટ ક્લાયન્ટો, શૈક્ષણિક સંસ્થાઓ અને વિવિધ સરકારો સાથે કામ કરતી એકાઉન્ટ મેનેજમેન્ટ ભૂમિકાઓ સંભાળે છે. આ વિભાગોમાં કામ કરતા ઘણા કર્મચારીઓનો કાર્યક્ષેત્ર સીધા મોટા કરારો અને સંસ્થાકીય વેચાણ સાથે જોડાયેલો હોવાથી અસર વધુ ગંભીર થઈ શકે છે.
સરકારી સેલ્સ યુનિટમાં ઘટાડાની આશંકા સૌથી વધારે વ્યક્ત કરવામાં આવી રહી છે. યુનાઈટેડ સ્ટેટ્સ ડિપાર્ટમેન્ટ ઓફ ડિફેન્સ અને ડિપાર્ટમેન્ટ ઓફ જસ્ટિસ જેવા વિભાગો સાથે સંકલન રાખતી ટીમ પર તેનું વધારે પ્રભાવ જોવા મળી શકે છે. ત્યાં કામ કરતા કર્મચારીઓમાં છટણીને લઈને અનિશ્ચિતતા વધી રહી છે.
આ નિર્ણય તાજેતરમાં યુનાઈટેડ સ્ટેટ્સમાં થયેલા 43 daysના શટડાઉન પછી લેવામાં આવ્યો છે. ઉદ્યોગ વિશ્લેષકોનું માનવું છે કે આ અવધિ દરમિયાન વ્યાવસાયિક પ્રવૃત્તિઓમાં ઘટાડાને કારણે કંપનીના વ્યવસાય પર અસર થઈ હશે, જેના પરિણામે એપલે ખર્ચ ઘટાડવાના પ્રયત્નો તેજ કર્યા છે.
વૈશ્વિક ટેક ઉદ્યોગમાં હાલમાં અનેક કંપનીઓ પુનર્ગઠનની પ્રક્રિયામાં છે. વેરાઈઝન, સિનોપ્સિસ અને આઈબીએમ જેવી મોટી કંપનીઓ પણ છેલ્લા કેટલાક મહિનાઓમાં કર્મચારી સંખ્યામાં ઘટાડાનો નિર્ણય જાહેર કરી ચૂકી છે. એનાલિસ્ટોના જણાવ્યા મુજબ આ પ્રવૃત્તિ આગામી મહિનાઓમાં વધુ સ્પષ્ટ થઈ શકે છે.
