જો તમે નવો પ્રીમિયમ સ્માર્ટફોન ખરીદવાનું વિચારી રહ્યા હોવ તો અત્યારે સોનેરી તક છે. Apple દ્વારા લોન્ચ કરવામાં આવેલો અત્યાર સુધીનો સૌથી પાતળો સ્માર્ટફોન iPhone Air અત્યારે તેની લોન્ચિંગ પ્રાઈસ કરતા ખૂબ જ ઓછી કિંમતે વેચાઈ રહ્યો છે. ઈ-કોમર્સ પ્લેટફોર્મ Amazon પર આ શાનદાર ડિવાઈસ પર ભારે છૂટ આપવામાં આવી રહી છે જેના કારણે ગ્રાહકોને મોટી બચત કરવાનો મોકો મળી રહ્યો છે.
iPhone Air પર મળી રહેલી ઓફર્સ અને કિંમત
અત્યારે Amazon પર iPhone Airના 256GB સ્ટોરેજ વેરિઅન્ટની કિંમત અંદાજે 93,499 રૂપિયા લિસ્ટ કરવામાં આવી છે. આ ઉપરાંત પ્લેટફોર્મ પર 4,000 રૂપિયાનું સ્પેશિયલ કૂપન ડિસ્કાઉન્ટ પણ ઉપલબ્ધ છે. જો ગ્રાહકો ખરીદી કરતી વખતે HDFC Bankના ક્રેડિટ કાર્ડનો ઉપયોગ કરે છે તો તેમને 10 ટકા ઇન્સ્ટન્ટ ડિસ્કાઉન્ટ મળી શકે છે જેની મર્યાદા 1,000 રૂપિયા સુધીની છે. આ તમામ ઓફર્સ લાગુ કર્યા બાદ આ ફોનની અસરકારક કિંમત અંદાજે 88,499 રૂપિયાની આસપાસ રહે છે. ઉલ્લેખનીય છે કે આ ફોન જ્યારે લોન્ચ થયો ત્યારે તેની કિંમત 1,19,900 રૂપિયા હતી એટલે કે અત્યારે તે 31,000 રૂપિયા કરતા પણ વધુ સસ્તો મળી રહ્યો છે.
iPhone Airના દમદાર ફીચર્સ અને સ્પેસિફિકેશન્સ
ડિઝાઇનના મામલે આ સ્માર્ટફોન ખૂબ જ આકર્ષક છે જેમાં 6.5 ઇંચની સુપર રેટિના XDR OLED ડિસ્પ્લે આપવામાં આવી છે. આ સ્ક્રીન 2736×1260 પિક્સેલનું રિઝોલ્યુશન અને 120Hz રિફ્રેશ રેટ ધરાવે છે જેનાથી યુઝર એક્સપિરિયન્સ ખૂબ જ સ્મૂધ રહે છે. આઉટડોર વિઝિબિલિટી માટે તેમાં 3000 નિટ્સની પીક બ્રાઈટનેસ છે. પરફોર્મન્સ માટે Appleએ તેમાં લેટેસ્ટ A19 Pro પ્રોસેસર આપ્યું છે જે મલ્ટીટાસ્કિંગ માટે બેસ્ટ છે. આ સ્માર્ટફોન iOS 26 પર કાર્ય કરે છે. કેમેરાની વાત કરીએ તો રિયરમાં 48 મેગાપિક્સેલનો પ્રાઈમરી કેમેરો અને સેલ્ફી માટે 18 મેગાપિક્સેલનો ફ્રન્ટ કેમેરો ઉપલબ્ધ છે.
Samsung Galaxy S23 Ultraની કિંમતમાં પણ થયો મોટો ઘટાડો
બીજી તરફ Samsungના ચાહકો માટે પણ સારા સમાચાર છે. Flipkart પર Samsung Galaxy S23 Ultraની કિંમતમાં અધધ ઘટાડો જોવા મળ્યો છે. વર્ષ 2023માં 1,24,999 રૂપિયામાં લોન્ચ થયેલો આ ફ્લેગશિપ ફોન હવે માત્ર 77,000 રૂપિયાની આસપાસ મળી રહ્યો છે. આમ લોન્ચિંગ પ્રાઈસની સરખામણીએ આ ફોન પર 48,000 રૂપિયા સુધીની માતબર બચત થઈ રહી છે. જે ગ્રાહકો પ્રીમિયમ ફીચર્સ અને શાનદાર કેમેરા ક્વોલિટી શોધી રહ્યા છે તેમના માટે આ આકર્ષક ડીલ સાબિત થઈ શકે છે.
