AI Bots On Internet : હવે એ દિવસ દૂર નથી જ્યારે ઇન્ટરનેટ પર માણસો કરતાં AI રોબોટ્સનો ટ્રાફિક વધુ હશે. મનુષ્યો અને AI રોબોટ્સ વચ્ચેનું આ બેલેન્સ થોડાક જ સમયમાં બગડવાનું છે. ક્લાઉડફ્લેરના ચીફ એક્ઝિક્યુટિવ મેથ્યુ પ્રિન્સ કહે છે કે, આગામી થોડા વર્ષોમાં ઇન્ટરનેટ પર માણસો કરતાં વધુ AI-સંચાલિત બોટ્સ હશે. તેમણે કહ્યું કે, ઝડપથી વિકસતા જનરેટિવ AI ને કારણે, AI એજન્ટો માનવ પ્રવૃત્તિને પાછળ છોડી દેશે અને માનવો દ્વારા કરવામાં આવતા મોટાભાગના કામ કરવાનું શરૂ કરશે.
બોટ્સનું ઓનલાઈન વર્તન માણસો કરતા અલગ છે.
પ્રિન્સે કહ્યું કે, ઇન્ટરનેટ પર AI બોટ્સનું વર્તન માણસો કરતાં ઘણું અલગ છે. માણસો એક સમયે ફક્ત થોડી જ વેબસાઇટ્સની મુલાકાત લે છે, પરંતુ AI સિસ્ટમ્સ ફક્ત થોડીક સેકંડમાં હજારો વેબસાઇટ્સને સ્કેન કરી શકે છે. ઉદાહરણ આપતાં તેમણે કહ્યું કે, ધારો કે જો કોઈ વ્યક્તિ ડિજિટલ કેમેરો ખરીદવા માંગે છે, તો તે 5 વેબસાઇટની મુલાકાત લેશે, પરંતુ એક AI એજન્ટ તે જ કામ માટે 5,000 વેબસાઇટની મુલાકાત લઈ શકે છે. આ વાસ્તવિક ટ્રાફિક હશે અને દરેકે તેના માટે તૈયાર રહેવું પડશે.
AI પહેલા શું પરિસ્થિતિ હતી?
પ્રિન્સ કહે છે કે, જનરેટિવ AI ના આગમન પહેલાં, ઇન્ટરનેટ પર બોટ ટ્રાફિક ફક્ત 20 ટકા હતો, અને તેમાંથી મોટાભાગનો સર્ચ એન્જિન ક્રોલર્સ જેવા વિશ્વસનીય સ્ત્રોતોમાંથી આવતો હતો. આ ઉપરાંત, મોટાભાગના અન્ય બોટ્સ સ્કેમ અને દૂષિત એક્ટિવિટી સાથે જોડાયેલા હતા. હવે, જનરેટિવ AI પછી, 2027 સુધીમાં આવી પરિસ્થિતિ ઊભી થઈ શકે છે, જ્યારે ઇન્ટરનેટ પર માણસો કરતાં AI બોટ્સની પ્રવૃત્તિ વધુ હશે.
નેટવર્કનું દબાણ વધશે
બોટ્સની એક્ટિવિટીમાં વધારો થવાને કારણે, ફિઝિકલ ઇનફ્રાસ્ટ્રક્ચરની જરૂર પડશે. આ ઉપરાંત, ડેટા સેન્ટરો અને સર્વર વગેરેની માંગ પણ વધશે. પ્રિન્સે તેની સરખામણી કોરોનાવાયરસ રોગચાળા સાથે કરતા કહ્યું કે, તે સમયે પણ, YouTube અને Netflix પર સ્ટ્રીમિંગ વધ્યું, જેના કારણે નેટવર્ક્સ પર દબાણ વધ્યું. હવે પણ આવું જ થઈ શકે છે.
