Apple : ફોલ્ડેબલ આઇફોન પછી, એપલ પણ ફ્લિપ ફોન રજૂ કરવાની તૈયારી કરી રહ્યું છે. કંપની આ વર્ષે સપ્ટેમ્બરમાં તેનો પહેલો બુક-સ્ટાઇલ ફોલ્ડેબલ આઇફોન લોન્ચ કરશે. એવા અહેવાલો છે કે, કંપની આવતા વર્ષે ફોલ્ડેબલ ફ્લિપ ફોન લોન્ચ કરી શકે છે. કંપની ક્લેમશેલ ફોલ્ડેબલ આઇફોન પર કામ કરી રહી છે, જે સેમસંગના Galaxy Z Flip 7 સાથે કોમ્પિટિશન કરી શકે છે. એપલને આશા છે કે, આ આઇફોનને પણ સારો રિસ્પોન્સ મળશે અને ફોલ્ડેબલ આઇફોનના એપલના પ્રોડક્ટસ વેચાણમાં વધારો કરશે તેવી અપેક્ષા છે.
એપલનો ફ્લિપ-ફોન કેવો હોઈ શકે?
આ આઈફોન એક અનોખો ડિવાઇસ હશે, જેની ડિઝાઇન બજારમાં પહેલાથી જ ઉપલબ્ધ ક્લેમશેલ ફોન જેવી જ હશે. હજુ સુધી આ અંગે વધુ માહિતી જાહેર કરવામાં આવી નથી, પરંતુ એવી અટકળો ચાલી રહી છે કે, તેનો આકાર Galaxy Galaxy Z Flip 7 જેવો હોઈ શકે છે. આ ફોનમાં 4.1 ઇંચની કવર ડિસ્પ્લે અને અનફોલ્ડ કરવામાં આવે ત્યારે 6.9 ઇંચની મુખ્ય ડિસ્પ્લે છે. જો અહેવાલો પર વિશ્વાસ કરવામાં આવે તો, ફોલ્ડેબલ ફ્લિપ ફોનમાં કોમ્પેક્ટ ફોર્મ ફેક્ટર હોઈ શકે છે અને જ્યારે તેને અનફોલ્ડ કરવામાં આવે છે, ત્યારે તે નિયમિત આઈફોન જેવો જ એક્સપિરિયન્સ પ્રદાન કરે છે.
ક્યારે લોન્ચ થશે?
આ એપલ પ્રોજેક્ટ હાલમાં તેના પ્રારંભિક તબક્કામાં છે, અને તેના સંભવિત લોન્ચ અંગે ઓફિશિયલ માહિતી જાહેર કરવામાં આવી નથી. જોકે, એવું માનવામાં આવે છે કે, કંપની તેને આવતા વર્ષે લોન્ચ કરી શકે છે, જ્યારે આઇફોનની 20 મી વર્ષગાંઠ ઉજવવામાં આવશે. જો આ આઇફોન લોન્ચ થાય છે, તો ગ્રાહકોએ ફોલ્ડેબલ આઇફોનની જેમ તેના માટે ₹2 લાખથી વધુ ખર્ચ કરવો પડી શકે છે.
બધાની નજર iPhone Fold પર છે.
ટેક જગત હવે સપ્ટેમ્બર પર કેન્દ્રિત છે, જ્યારે Apple તેનો પહેલો બુક-સ્ટાઇલ ફોલ્ડેબલ iPhone લોન્ચ કરશે. તેમાં 7.8 ઇંચની ઇન્ટરનલ ડિસ્પ્લે અને 5.5 ઇંચની કવર ડિસ્પ્લે હશે. ફોલ્ડેબલ iPhone માં પાછળ અને આગળ કુલ ચાર કેમેરા હશે, અને Apple તેને A20 Pro ચિપસેટથી પાવર આપે તેવી અપેક્ષા છે. iPhone Fold માં 5500 mAh બેટરી હશે તેવી અપેક્ષા છે.
