Android Phone Fast Speed : જો તમારી પાસે એન્ડ્રોઇડ ફોન છે, તો તમારા માટે સારા સમાચાર છે. ગૂગલ એક નવી ટેકનોલોજી રજૂ કરી રહ્યું છે જે તમારા ફોનને રોકેટ જેટલો ફાસ્ટ બનાવશે. આ ટેકનોલોજી ફક્ત ફોનને ફાસ્ટ બનાવશે જ નહીં પણ તેની કાર્યક્ષમમાં પણ વધારો કરશે,
જેનાથી યુઝર્સને લાંબી બેટરી લાઇફ મળશે. આનાથી યુઝર્સને સ્લો સ્માર્ટફોનની સમસ્યા દૂર કરવામાં પણ મદદ મળશે. જાણો ગૂગલ એન્ડ્રોઇડ ફોનને ફાસ્ટ બનાવવા માટે શું યોજના બનાવી છે.
આ ટેકનિકનો ઉપયોગ કરવામાં આવશે
ગુગલ એન્ડ્રોઇડ ઓપરેટિંગ સિસ્ટમને તેના સૌથી મહત્વપૂર્ણ સ્તર, Kernel પર સુધારવાનો પ્રયાસ કરી રહ્યું છે. આ હાંસલ કરવા માટે ઓટોમેટિક ફીડબેક-ડાયરેક્ટેડ ઓપ્ટિમાઇઝેશન (AutoFDO) નો ઉપયોગ કરવામાં આવશે. આનાથી ફોનનું પ્રદર્શન સરળ બનશે, એપ લોડ થવાનો સમય ઓછો થશે અને બેટરીની લાઇફ પણ વધશે. AutoFDO ફોનના ક્યાં ફંક્શનનો સૌથી વધુ ઉપયોગ થઈ રહ્યો છે તેનું નિરીક્ષણ કરે છે અને પછી તે મુજબ સિસ્ટમને મેનેજ કરે છે, જેનાથી ફોનની સ્પીડમાં સુધારો થાય છે.
Kernel ઇમ્પ્રૂવ થવાનો અર્થ ફાસ્ટર સ્પીડ
એન્ડ્રોઇડમાં Kernel મહત્વપૂર્ણ ભૂમિકા ભજવે છે. તે હાર્ડવેર, એપ્લિકેશનો અને પ્રોસેસર વચ્ચે કડી તરીકે કાર્ય કરે છે. એન્ડ્રોઇડ ફોનમાં Kernel CPU ના આશરે 40% જેટલો હિસ્સો ધરાવે છે. તેથી, એક નાનો સુધારો પણ ફોનને નોંધપાત્ર રીતે ફાસ્ટ બનાવી શકે છે.
તમારા ફોનને ઝડપી બનાવવાની રીતો
જો તમે તમારા એન્ડ્રોઇડ ફોનની સ્લો સ્પીડથી ચિંતિત છો, તો તેને ફાસ્ટ બનાવવાની કેટલીક સરળ રીતો છે.
તમારા સોફ્ટવેર અને એપ્સને અપડેટ રાખો.
ન વપરાયેલી ફીચર્સને ડિસેબલ કરો.
તમારા સ્ટોરેજને ભરાઈ જવા ન દો. બિનજરૂરી એપ્સ અને ફાઇલોને ડિલીટ કરતાં રહો.
તમારા ફોનને રીસ્ટાર્ટ કરવાથી પણ તે ફાસ્ટ થઈ શકે છે.
જો આમાંથી કોઈ પણ પદ્ધતિ કામ ન કરે, તો તેને ફેક્ટરી રીસેટ કરો.
