યુરોપના સ્પેસ પ્રોજેક્ટને મોટો ઝટકો લાગ્યો છે. જર્મનીની બાવેરિયન ઈસર એરોસ્પેસ કંપનીનું સ્પેસ રોકેટ ટેકઓફ કર્યાના માત્ર 40 સેકન્ડમાં જ ધડાકા સાથે પૃથ્વી પર પડ્યું. ક્રેશને કારણે સ્પેસ રોકેટમાં જોરદાર આગ ફાટી નીકળી હતી. આ અંગેનો એક વીડિયો સોશિયલ મીડિયા પર ઝડપથી વાયરલ થઈ રહ્યો છે.
યુરોપમાં સેટેલાઇટ લોન્ચિંગ પ્રોગ્રામને આગળ વધારવા માટે આ રોકેટને નોર્વેના આર્કટિક એન્ડોયા સ્પેસ પોર્ટ પરથી લોન્ચ કરવામાં આવ્યું હતું. આ રોકેટનું વજન એક મેટ્રિક ટન હતું. જે નાના અને મધ્યમ કદમાં ડિઝાઇન કરવામાં આવ્યું હતું. ટેક ઓફ કર્યાના માત્ર 40 સેકન્ડમાં જ રોકેટ ક્રેશ થયું અને જમીન પર પડતાની સાથે જ વિસ્ફોટ સાથે આગ લાગી ગઈ.
આઇસર એરોસ્પેસ કંપનીએ ડેટા મેળવ્યો હતો
મીડિયા રિપોર્ટ્સ અનુસાર, યુરોપથી સ્પેસ રોકેટને સફળતાપૂર્વક લોન્ચ કરવાનો પ્રયાસ કરવામાં આવ્યો હતો. સ્વીડન અને બ્રિટન સહિત ઘણા દેશોએ આ મિશનમાં ભાગ લેવાની ઈચ્છા વ્યક્ત કરી હતી. રોકેટના ક્રેશ પછી પણ ઈસર એરોસ્પેસ કંપનીને મહત્વપૂર્ણ ડેટા મળ્યો છે. જે ભવિષ્યના મિશનમાં મહત્વપૂર્ણ સાબિત થઈ શકે છે.
European rocket startup ISAR's Spectrum rocket spun out of control and exploded on impact. pic.twitter.com/h8DitdY0oB
— Space Sudoer (@spacesudoer) March 30, 2025
કંપનીએ પહેલેથી જ એવી અપેક્ષા વ્યક્ત કરી હતી કે રોકેટ ક્રેશ થશે
Isar એરોસ્પેસના સહ-સ્થાપક અને CEO ડેનિયલ મેટ્ઝલરે રોકેટ લોન્ચિંગ પહેલા જ કહ્યું હતું કે દરેક ફ્લાઇટ અમારા માટે ખૂબ જ મહત્વપૂર્ણ છે. કારણ કે તે અનુભવ પ્રદાન કરે છે અને ડેટા મેળવે છે. 30 સેકન્ડની ફ્લાઇટ પણ એક મોટી સફળતા હશે. જોકે, કંપનીને આશા હતી કે આ રોકેટ અવકાશમાં નહીં પહોંચે.
