8th Pay Commission Latest Update: કેન્દ્રીય સરકારી કર્મચારીઓના સંગઠન 'નેશનલ કાઉન્સિલ જોઈન્ટ કન્સલ્ટેટિવ મશીનરી' (NC JCM) ની ડ્રાફ્ટ કમિટી દ્વારા 8મા પગાર પંચને સોંપવામાં આવેલા અંતિમ મેમોરેન્ડમમાં માંગણીઓની યાદી જાહેર કરવામાં આવી છે. ચાલો જાણીએ કે આમાં કઈ મુખ્ય માંગણીઓનો સમાવેશ થાય છે.
મુખ્ય માંગણીઓ પર એક નજર
કર્મચારી સંગઠનો દ્વારા રજૂ કરવામાં આવેલી માંગણીઓમાં મુખ્યત્વે નીચેની બાબતોનો સમાવેશ થાય છે...
આ પણ વાંચો: Cylinder Price Update: શું ગેસના ભાવ ઘટશે? : પેટ્રોલ-ડીઝલમાં પણ મળશે રાહત? જાણો શું છે સરકારનો પ્લાન
ન્યૂનતમ પગાર: ₹69,000 કરવાની માંગ.
ફિટમેન્ટ ફેક્ટર: 3.83 રાખવાની દરખાસ્ત.
વાર્ષિક પગાર વધારો: 6% ઇન્ક્રીમેન્ટ.
પેન્શન: જૂની પેન્શન યોજના (OPS) ફરી શરૂ કરવી.
HRA: લઘુત્તમ ઘર ભાડા ભથ્થું વધારીને 30% કરવું.
સાથે જ, 8મા કેન્દ્રીય પગાર પંચ હેઠળ પગાર, પેન્શન અને સેવાના નિયમોમાં વ્યાપક સુધારા કરવાની પણ જોરદાર માંગ કરવામાં આવી છે.
₹69,000ના લઘુત્તમ પગારની માંગ કેમ યોગ્ય છે?
'ઈકોનોમિક ટાઈમ્સ'ના અહેવાલ મુજબ, NC-JCM ડ્રાફ્ટ કમિટીના સભ્ય સી. શ્રીકુમારે જણાવ્યું હતું કે, ₹69,000ના લઘુત્તમ મૂળ પગારની માંગ તદ્દન વ્યાજબી છે. તેનું કારણ એ છે કે અત્યાર સુધી પરિવારને ત્રણ યુનિટમાં વહેંચવાની પ્રથા છે, તેને બદલે હવે પરિવારને પાંચ યુનિટમાં વહેંચીને ગણતરી કરવી જોઈએ.
આ પણ વાંચો: આ જબરદસ્ત IPO સબસ્ક્રિપ્શન માટે ખુલ્લો મુકાયો : ગ્રે માર્કેટમાં પ્રીમિયમ જોતા રોકાણકારોમાં ઉત્સાહ
8મા પગાર પંચ પાસે અન્ય મહત્વની માંગણીઓ
કર્મચારીઓની અન્ય મુખ્ય માંગણીઓ નીચે મુજબ છે.
જૂની પેન્શન યોજના: 1 જાન્યુઆરી, 2004 પછી ભરતી થયેલા કર્મચારીઓ માટે ફરીથી જૂની પેન્શન યોજના લાગુ કરવામાં આવે.
પેન્શનની રકમ: પેન્શન છેલ્લા મેળવેલા પગારના 67% પર નક્કી કરવામાં આવે અને ફેમિલી પેન્શન 50% હોવું જોઈએ.
પ્રમોશન: દરેક કર્મચારી 30 વર્ષની સેવા દરમિયાન ઓછામાં ઓછા પાંચ પ્રમોશન માટે પાત્ર હોવો જોઈએ.
પેન્શન રિવિઝન: પેન્શનની સમીક્ષા અને સુધારો દર પાંચ વર્ષે થવો જોઈએ.
કયા સ્તર પર કેટલા પગારની માંગ?
મેમોરેન્ડમમાં શેર કરવામાં આવેલી વિગતો મુજબ, વિવિધ સ્તરો પર પગાર વધારાના ઉદાહરણો આપવામાં આવ્યા છે..
આ પણ વાંચો: અક્ષય તૃતીયા પહેલા મોટો ઝટકો : આયાત બંધ થતા સોનાં બજારમાં ઉથલપાથલ
1. સૌથી નીચું સ્તર: ₹18,000 થી વધારીને ₹69,000 કરવાની માંગ.
2. મધ્યમ સ્તર: આગળના સ્તરો પર મૂળ પગાર વધીને ₹83,200 અને ₹1.12 લાખ સુધી જઈ શકે છે.
3. ઉચ્ચ સ્તર: મધ્યમ સ્તરના કર્મચારીઓનો મૂળ પગાર ₹1.35 લાખથી વધીને ₹2.15 લાખ થી વધુ થઈ શકે છે.
DA ને મૂળ પગારમાં ભેળવવાનું સૂચન
કર્મચારી સંગઠનોએ સૂચન આપ્યું છે કે જ્યારે મોંઘવારી ભથ્થું (DA) 25% સુધી પહોંચે, ત્યારે તેને મૂળ પગાર (Basic Pay) માં ભેળવી દેવાની જૂની પ્રથા ફરી શરૂ કરવી જોઈએ. આનાથી મોંઘવારીની વાસ્તવિક અસરોને વધુ સારી રીતે પહોંચી વળાય. મેમોરેન્ડમમાં ભાર મૂકવામાં આવ્યો છે કે વર્તમાન વળતર માળખું જૂનું થઈ ગયું છે, તેથી સિસ્ટમમાં ટુકડે-ટુકડે ફેરફાર કરવાને બદલે સંપૂર્ણ પુનર્ગઠન કરવું જરૂરી છે.
