રાજ્યભરમાં ચાલી રહેલા વરસાદી માહોલ વચ્ચે કચ્છથી એક અદ્ભુત અને આશ્ચર્યજનક ઘટના સામે આવી છે. કુદરત અને પશુપાલનની વૈવિધ્યતા દર્શાવતી આ ઘટના એ છે કે કચ્છના દરિયાકાંઠેથી 33 ખારાઈ ઊંટ દરિયામાં તરતાં દેવભૂમિ દ્વારકા સુધી પહોંચી ગયા.
શું છે ઘટના?
કચ્છના કંડલા નજીક ચેરિયા વનસ્પતિ માટે છોડવામાં આવેલા ખારાઈ ઊંટો ભારે વરસાદ બાદ દરિયામાં તણાઇ ગયા. આ ઊંટો સોમવારના રોજ અંદાજે 30 કિ.મી. જેટલું દરિયાઈ અંતર કાપીને દેવભૂમિ દ્વારકા જિલ્લાના વાડીનાર પોર્ટ સુધી પહોંચ્યા.
રેસ્ક્યૂ ઓપરેશન:
વાડીનાર મરીન પોલીસને જ્યારે દરિયાઈ પાણીમાં ઊંટો ફસાયેલા હોવાની જાણ થઈ, તત્કાલમાં:
PI વી.આર. શુક્લની આગેવાનીમાં
6 પોલીસ કર્મચારી
10 સ્થાનિક રબારી સમાજના લોકો
એમણે બે થી ત્રણ કલાક સુધી ચાલી રહેલું ઓપરેશન હાથ ધર્યું. જ્યાં તમામ ઊંટોને સલામત રીતે કિનારે લાવવામાં આવ્યા.
વીડિયો થયો વાયરલ:
આ સમગ્ર ઘટનાનો વીડિયો પણ સામે આવ્યો છે જેમાં ઊંટો દરિયામાં તરતા નજરે પડે છે – જોવાનું દૃશ્ય અદ્ભુત પણ ચિંતાજનક છે.
ખારાઈ ઊંટ: અણમોલ વારસો અને કુદરતી ચમત્કાર
ખારાઈ ઊંટ એશિયામાં માત્ર એક જ એવી ઊંટ પ્રજાતિ છે જે પાણીમાં તરવા સક્ષમ છે.
ખારાઇ ઊંટો મુખ્યત્વે કચ્છ અને ખંભાતના દરિયાકાંઠાના વિસ્તારોમાં જોવા મળે છે.
તેઓ દરિયાઈ ખાડીમાં થતી ચેર, પીલુડી, ખારીજાર જેવી ક્ષારમય વનસ્પતિઓનું ચરિયાણ કરે છે.
વર્ષ 2016માં ભારત સરકારે ખારાઈ ઊંટને રાષ્ટ્રીય ઓળખ આપી છે.
સાવધાન! ગુજરાતમાં ફરી વાતાવરણ પલટાશે: કમોસમી વરસાદ બાદ આવશે કાળઝાળ ગરમી, આ તારીખો નોંધી લેજો
