Google જાહેર કરી એડવાઇઝરી : 16 અબજ પાસવર્ડ લીક; જાણો હેકર્સથી કેવો છે ખતરો અને બચવાનો રીત

Google Advisory to Social Media Users: જો તમે ટેલિગ્રામ, જીમેલ, ફેસબુક જેવા પ્લેટફોર્મનો ઉપયોગ કરો છો, તો સાવચેત રહો. તાજેતરમાં 16 અબજ પાસવર્ડ લીક થયા છે, જેના વિશે સાયબરન્યૂઝ અને ફોર્બ્સના અહેવાલ દ્વારા માહિતી પ્રાપ્ત થઈ છે. ઇન્ટરનેટ પર 16 અબજથી વધુ પાસવર્ડ લીક થયાની માહિતી પ્રકાશમાં આવી છે, જે ફક્ત લોકોની સોશિયલ મીડિયા એપ્લિકેશનો જ નહીં પરંતુ બેંક ખાતાઓને પણ જોખમમાં મૂકી શકે છે. સાયબર સુરક્ષા નિષ્ણાતોના મતે હેકર્સ એક ખાસ રીતે ડેટા ચોરી રહ્યા છે, જેમાં જૂના અને નવા ડેટાનો સમાવેશ થાય છે.

માલવેરથી ચોરી કરી રહ્યા છે પાસવર્ડ
સાયબર સુરક્ષા નિષ્ણાતોના મતે, હેકર્સ માલવેર દ્વારા ખૂબ જ ચાલાકીપૂર્વક ડેટા ચોરી રહ્યા છે. માલવેરની મદદથી "ઇન્ફોસ્ટીલર્સ" ચૂપચાપ ડિવાઇસમાંથી યુઝરનેમ અને પાસવર્ડ ચોરી રહ્યા છે. માત્ર ચોરી જ નહીં પણ તેને ડાર્ક વેબ પર પણ વેચી રહ્યા છે. રિપોર્ટ અનુસાર, માલવેરમાંથી ડેટા ચોરી કરીને તેઓ કાં તો તેનો ઉપયોગ પોતે કરી રહ્યા છે અથવા તેને ડાર્ક વેબ પર વેચી રહ્યા છે.

પાસવર્ડ લીકમાં શું છે શામેલ ?
નવાઈની વાત એ છે કે પાસવર્ડ લીકમાં ટેલિગ્રામ, ફેસબુક, જીમેલ એકાઉન્ટ્સ, કેટલાક સરકારી પોર્ટલના લોગિન-પાસવર્ડ્સ અને ડેવલપર ટૂલ્સ ગિટહબ જેવી સોશિયલ મીડિયા એપ્સનો પણ સમાવેશ થાય છે. માલવેરની મદદથી પાસવર્ડ ચોરી થઈ રહ્યા છે.

સસ્તામાં વેચાઈ રહ્યા છે પાસવર્ડ
ડાર્ક વેબ પર પાસવર્ડ ખૂબ જ ઓછી કિંમતે વેચાઈ રહ્યા છે. આવી સ્થિતિમાં કોઈપણ વ્યક્તિ માટે પાસવર્ડ ખરીદવો સરળ બનશે અને તેઓ તેનો ઉપયોગ કરી શકશે. ખતરનાક વાત એ છે કે સામાન્ય લોકોના પાસવર્ડ ઉપરાંત, સરકારી, બિન-સરકારી અથવા કોઈપણ સંસ્થાના પાસવર્ડ પણ જોખમમાં આવી શકે છે, જેનાથી બચવા માટે આપણા માટે સતર્ક રહેવું મહત્વપૂર્ણ છે.

ગૂગલે આપી છે આ સલાહ
ગુગલે પાસવર્ડ લીક અંગે પણ સલાહ આપી છે. ગૂગલ કહે છે કે તમારે પાસવર્ડને બદલે પાસકીનો ઉપયોગ કરવો જોઈએ. આ એક અદ્યતન ટેકનોલોજી છે જે ડેટાને સુરક્ષિત રાખી શકે છે. ગૂગલ ઉપરાંત FBI એ પણ ચેતવણી આપી છે અને અજાણ્યા નંબરો પરથી આવતી લિંક્સ અથવા ઇમેઇલ્સ પર ક્લિક કરવાની મનાઈ ફરમાવી છે.

તમારી જાતને કેવી રીતે સુરક્ષિત રાખવી?

કોઈપણ અજાણી લિંક પર ક્લિક કરશો નહીં.
ચોક્કસપણે ટુ-ફેક્ટર ઓથેન્ટિકેશનનો ઉપયોગ કરો.
બધી વેબસાઇટ્સ અને સોશિયલ મીડિયા એપ્સ માટે અલગ અલગ પાસવર્ડ રાખો.