જામનગર જિલ્લાના ધ્રોલ તાલુકામાં આવેલા લાતીપર ગામે મતદાન દરમિયાન એક અત્યંત પ્રેરણાદાયી દ્રશ્ય જોવા મળ્યું હતું. ગામની 117 વર્ષીય ધનુબેન માવજીભાઈ રમાણીએ મતદાન કરીને લોકશાહી પ્રત્યેની પોતાની અડગ પ્રતિબદ્ધતા દર્શાવી હતી.
વયને પાછળ મુકીને મતદાન
117 વર્ષની વય હોવા છતાં ધનુબેનમાં જીવન પ્રત્યેનો ઉત્સાહ અને જિજ્ઞાસા આજે પણ યથાવત જોવા મળે છે. તેઓ મતદાન મથક સુધી પહોંચી પોતાના મતાધિકારનો ઉપયોગ કર્યો હતો, જે અન્ય મતદારો માટે પ્રેરણાનું સ્ત્રોત બન્યું.
આ પણ વાંચો: સરઢવ બેઠક પર 98 વર્ષના હીરાબહેને કર્યું મતદાન : તબિયત સારી ના હોવા છતાં મતદાન કર્યું
ગામ માટે ગૌરવની ક્ષણ
ધનુબેનનું આ પગલું લાતીપર ગામ માટે ગૌરવની વાત બની ગયું છે. તેમના લાંબા જીવનના અનુભવો અને સક્રિયતા ગામના લોકો માટે પ્રેરણાદાયી છે. ગ્રામજનોમાં પણ તેમના પ્રત્યે ગર્વ અને સન્માનની લાગણી જોવા મળી હતી.
આ પણ વાંચો: જામનગરના પીપરટોડા ગામમાં મતદાનનો કરાયો બહિષ્કાર : રસ્તાની સમસ્યાથી ગ્રામજનોમાં રોષ
ધનુબેનએ સાબિત કર્યું કે ઉંમર માત્ર આંકડો છે. તેમણે યુવા પેઢી સાથે વડીલોને પણ મતદાન માટે પ્રેરિત કર્યા છે. લોકશાહી પ્રક્રિયામાં ભાગ લેવું દરેક નાગરિકની જવાબદારી છે. આ સાથે યુવાઓને પણ ધનુબહેન મતદાન માટેની પ્રેરણા આપે છે.
