યુટ્યુબર એલ્વિશ યાદવના ઘરે ફાયરિંગ થઈ છે. ગોળીબાર કર્યા પછી બદમાશ ઘટનાસ્થળેથી ફરાર થઈ ગયા છે. ગુરુગ્રામમાં સવારે 5-6 વાગ્યાની આસપાસ ઘર પર ગોળીબાર થયો હતો, અહેવાલો અનુસાર ત્રણ બદમાશો બાઇક પર આવ્યા હતા અને અનેક રાઉન્ડ ફાયરિંગ કર્યું હતું. પ્રાપ્ત માહિતી અનુસાર, આ ઘટનામાં કોઈને ઈજા થઈ નથી. કેટલાક મીડિયા રિપોર્ટ્સ અનુસાર, એલ્વિશ યાદવના ઘરે બે ડઝનથી વધુ રાઉન્ડ ફાયરિંગ થયું છે. ગુરુગ્રામ પોલીસ ઘટનાસ્થળે પહોંચી ગઈ છે અને તપાસ કરવામાં આવી રહી છે.
એલ્વિશ યાદવના ઘર પર ગોળીબાર
ગુરુગ્રામ પોલીસના પીઆરઓ સંદીપ કુમારે જણાવ્યું હતું કે, ''ગુરુગ્રામના સેક્ટર 57માં યુટ્યુબર અને બિગ બોસ ઓટીટી વિજેતા એલ્વિશ યાદવના ઘરની બહાર ત્રણ માસ્ક પહેરેલા લોકોએ ગોળીબાર કર્યો હતો. આ ઘટના સવારે લગભગ 5:30 વાગ્યે બની હતી. એક ડઝનથી વધુ રાઉન્ડ ફાયરિંગ કરવામાં આવ્યું હતું. ગોળીબાર સમયે એલ્વિશ યાદવ તેના ઘરે નહોતા''.
પોલીસ તપાસ હાથધરી
એલ્વિશ યાદવે તેની યુટ્યુબ અને સોશિયલ મીડિયા પ્રવૃત્તિઓ માટે ખૂબ જ જાણીતો છે. ગોળીબાર પછી તરત જ ગુરુગ્રામ પોલીસના વરિષ્ઠ અધિકારીઓ ત્યાં પહોંચ્યા અને તપાસ શરૂ કરી છે. પોલીસે ઘટના સમયે ઘરમાં હાજર લોકોની સલામતી અંગે પણ પૂછપરછ કરી. એવું કહેવામાં આવી રહ્યું છે કે તેના ઘરે 20 થી 25 રાઉન્ડ ગોળીબાર થયો હતો. પોલીસે ઘટનાસ્થળે પહોંચીને વિસ્તારને ઘેરી લીધો હતો અને શંકાસ્પદોની શોધ શરૂ કરી હતી. ઘટનાની ગંભીરતા જોઈને પોલીસે નજીકના સીસીટીવી કેમેરાની પણ તપાસ હાથધરી છે. હુમલાખોરોની હજુ સુધી ઓળખ થઈ નથી.
ગોળીબારથી સમગ્ર વિસ્તારમાં ભયનો માહોલ
પોલીસની પ્રાથમિક તપાસ મુજબ, મોટરસાઇકલ પર આવેલા ત્રણ માસ્ક પહેરેલા બદમાશોએ એલ્વિશના ઘરને નિશાન બનાવીને અનેક રાઉન્ડ ફાયરિંગ કર્યું હતું. એવું કહેવામાં આવી રહ્યું છે કે હુમલાખોરોએ મુખ્યત્વે ગ્રાઉન્ડ ફ્લોર અને પહેલા માળે ફાયરિંગ કર્યું હતું, જ્યારે એલ્વિશનો પરિવાર બીજા માળ પર રહે છે. ગોળીઓના અવાજથી સમગ્ર વિસ્તારમાં ગભરાટનું વાતાવરણ સર્જાયું હતું. ઘટનાની જાણ થતાં જ ગુરુગ્રામ પોલીસ અને વરિષ્ઠ અધિકારીઓની ઘણી ટીમો ઘટનાસ્થળે પહોંચી ગઈ હતી. ક્રાઇમ સીન યુનિટે ઘટનાસ્થળેથી તપાસ હાથ ધરી છે. પોલીસે હુમલાખોરોને ઓળખવા તેમને દબોચવા તપાસ હાથ ધરી છે.
