Russia Ukraine War: રશિયા અને યુક્રેન વચ્ચે યુદ્ધ ચાલુ છે. તાજેતરના સમયમાં યુદ્ધ દરમિયાન રશિયા દ્વારા યુક્રેનના ઘણા શહેરો પર ઘાતક હુમલા કરવામાં આવી રહ્યા હતા. યુક્રેને પણ રશિયાના હુમલાઓનો બદલો લીધો છે. યુક્રેને રશિયા પર ઘાતક ડ્રોન હુમલો કર્યો છે. યુક્રેનિયન ડ્રોન દ્વારા રશિયાના સ્ટેવ્રોપોલ ક્ષેત્રમાં રેડિયો અને ઇલેક્ટ્રોનિક યુદ્ધ સાધનોના પ્લાન્ટ પર હુમલો કરવામાં આવ્યો હતો. યુક્રેનના ડ્રોન હુમલામાં રશિયાને ભારે નુકસાન થયું છે.
યુક્રેને એક મહત્વપૂર્ણ સ્થાનને નિશાન બનાવ્યું
મીડિયા અહેવાલો અનુસાર રશિયા આ પ્લાન્ટમાં મોટા પાયે ઇલેક્ટ્રોનિક યુદ્ધ સાધનોનું ઉત્પાદન કરતું હતું. જેમાં રડાર રેડિયો નેવિગેશન સાધનો અને રિમોટ કંટ્રોલ રેડિયો સાધનોનો સમાવેશ થાય છે. આ વર્ષના જૂન મહિનાની શરૂઆતમાં યુક્રેને રશિયાના એરબેઝને લક્ષ્ય બનાવીને એક મોટો ડ્રોન હુમલો કર્યો હતો. ત્યારબાદ યુક્રેનિયન મીડિયાએ દાવો કર્યો હતો કે આ દરમિયાન 40 થી વધુ રશિયન વિમાનો નાશ પામ્યા હતા.
યુક્રેને હુમલો કર્યો
અગાઉ બંને દેશોએ શુક્રવારે રાત્રે એકબીજા પર ભીષણ હવાઈ હુમલા કર્યા હતા. આ હુમલાઓમાં બંને બાજુ બે નાગરિકો માર્યા ગયા હતા. આ ઉપરાંત ઘણા વિસ્તારોમાં મિલકતોને ભારે નુકસાન થયું હતું. યુક્રેને રશિયાના રોસ્ટોવ ક્ષેત્રમાં ડ્રોન હુમલા કર્યા જેમાં બે નાગરિકો માર્યા ગયા. આ વિસ્તાર યુક્રેનિયન સરહદની નજીક છે. સ્ટેવ્રોપોલ, મોસ્કો ,પેન્ઝા ,બ્રાયન્સ્ક, ક્રિમીઆ તુલા, ઓર્લોવ અને બેલ્ગોરોડ પ્રદેશોમાં પણ ડ્રોન હુમલા કરવામાં આવ્યા. રશિયન સંરક્ષણ મંત્રાલયે દાવો કર્યો હતો કે તેના સુરક્ષા દળોએ કુલ 54 યુક્રેનિયન ડ્રોનને તોડી પાડ્યા છે અથવા નિષ્ક્રિય કર્યા છે.
રશિયાએ હુમલો કર્યો
રશિયાએ યુક્રેનના દક્ષિણ ડિનિપ્રો અને ઉત્તરપૂર્વીય સુમી પ્રદેશોમાં રોકેટ અને ડ્રોનથી હુમલો કર્યો. યુક્રેનના બીજા સૌથી મોટા શહેર ખાર્કિવ પર પણ શુક્રવારે રાતોરાત બોમ્બમારો ચાલુ રહ્યો. ખાર્કિવના મેયર ઇહોર તેરેખોવે ટેલિગ્રામ પર જણાવ્યું હતું કે હુમલામાં રહેણાંક ઇમારતો સ્થાનિક વ્યવસાયિક સંસ્થાઓ રસ્તાઓ અને સંદેશાવ્યવહાર નેટવર્કને ખરાબ અસર થઈ છે.
