Gir Somnath Police Transfer : ગીર સોમનાથ જિલ્લામાં પોલીસ વિભાગમાં મોટું મોટાપાયે ફેરબદલી કરવામાં આવી છે. જિલ્લા પોલીસ વડા SP જયદીપસિંહ જાડેજાએ કડક વલણ અપનાવીને 27 પોલીસ કર્મચારીઓની સાગમટે બદલી કરી દીધી છે. આ પગલાએ પોલીસ વિભાગમાં ભારે ચર્ચા અને ખળભળાટ મચાવી દીધો છે.
જુઓ લિસ્ટ
SOG બ્રાન્ચમાંથી 7 કર્મચારીઓની બદલી
માહિતી મુજબ, જિલ્લા ક્રાઈમ બ્રાન્ચ LCB અને SOG બંને વિભાગોમાં મોટી સાફસૂફી કરવામાં આવી છે. LCB બ્રાન્ચમાંથી 12 કર્મચારીઓની હકાલપટ્ટી કરાઈ તો SOG બ્રાન્ચમાંથી 7 કર્મચારીઓની બદલી કરવામાં આવી છે. આ મોટા ફેરફારને લઈને પોલીસ બેડામાં ચકચાર ફેલાઈ છે.
પોલીસ બેડામાં ભારે ચર્ચા
ઉલ્લેખનીય છે કે, તાજેતરમાં વેરાવળ શહેરમાં SMC ના દરોડા બાદ અનેક બાબતો પ્રકાશમાં આવી હતી. આ સમગ્ર પરિસ્થિતિને ધ્યાને રાખીને SP જાડેજાએ કડક પગલાં લીધા હોય તેવી પોલીસ બેડામાં ચર્ચા છે. SP ના આ પગલાએ પોલીસ વિભાગમાં શિસ્ત અને કામગીરી સુધારવાના સંકેતો બતાવ્યા છે
