રાજ્યમાં સ્કૂલોને ધમકી મળવાનો સિલસિલો યથાવત જોવા મળી રહ્યો છે. ફરી એકવાર એક સાથે ગુજરાત સહિત દેશની 159 સ્કૂલોને ધમકી ભર્યા મેઈલ મળતા ખળભળાટ મચ્યો છે. તો બીજી તરફ અમદાવાદ એરપોર્ટને ઇ મેઇલ દ્વારા બોમ્બથી ઉડાવી દેવાની ધમકી મળી છે. જેના પગલે સુરક્ષા એજન્સીઓ એલર્ટ બનીને તપાસ હાથ ધરી છે.
અમદાવાદ એરપોર્ટને ઉડાવી દેવાની ધમકી
અમદાવાદ એરપોર્ટને બોમ્બ બ્લાસ્ટની ધમકી મળી છે. એરપોર્ટ ઓથોરિટીને નનામી ઈ મેઈલ મળ્યો છે. જેના પગલે સુરક્ષા એજન્સીઓ એરપોર્ટ પર તપાસ હાથ ધરી છે. અત્યાર સુધી કોઈ શંકાસ્પદ વસ્તુ મળી આવી નથી.
ગોઇન્કા સ્કૂલને બૉમ્બથી ઉડાવી દેવાની ધમકી મળી
સુરતના વેસુ વિસ્તારમાં ગોઇન્કા સ્કૂલને બૉમ્બથી ઉડાવી દેવાની ધમકી મળી છે. જેના પગલે PI,ACP અને ડોક સ્ક્વોડની ટીમ ઘટના સ્થળે પહોંચીને તપાસ હાથ ધરી છે. સાથો સાથ સમગ્ર મામલે હાલ સ્કૂલ કોર્ડન કરી તપાસ હાથ ધરી છે.
159 સ્કૂલોને એકસાથે બૉમ્બથી ઉડાવી દેવાની ધમકી
ગુજરાત સહિત અનેક રાજયોમાં 159 સ્કૂલોને એકસાથે બૉમ્બથી ઉડાવી દેવાની ધમકીનો મેઈલ મળ્યો છે. Outjacked50.@gmail.com નામના મેઈસ એડ્રેસથી મેઈલ મળ્યો છે. જે મેઈલ 12.59 કલાકે આવ્યો હતો. આ સમગ્ર બાબતને ગંભીરતાથી લઈ પોલીસ એલર્ટ બનીને તપાસ હાથ ધરી છે.
