ભારતીઓ માટે સોનું માત્ર દાગીનું નહીં પણ લાગણી છે. લગ્ન હોય કે તહેવાર, ઘરેણાં ખરીદવી એક પરંપરાગત પ્રથા બની ગઈ છે. ખાસ કરીને મહિલાઓ સોનાના દાગીનાં ખૂબ પસંદ કરે છે. પણ આજે જ્યારે સોનાની કિંમત રેકોર્ડ સ્તરે પહોંચી રહી છે, ત્યારે સામાન્ય માણસ માટે સોનું ખરીદવું એક પડકાર બની ગયું છે.
દરેક વ્યક્તિ ઈચ્છે છે કે સૌથી સસ્તું સોનું ક્યાં મળે તે જાણે અને ત્યાંથી ખરીદી કરે. લોકોમાં માન્યતા છે કે દુબઈમાં સોનું સૌથી સસ્તું મળે છે. પણ શું તમે જાણો છો કે દુબઈ નહીં પણ ભૂટાન એવી જગ્યા છે જ્યાં દુનિયાનું સૌથી સસ્તું સોનું મળે છે?
ભૂટાનમાં કેમ છે સોનું સસ્તું?
ભૂટાનમાં સોનું સસ્તું હોવાના અનેક કારણો છે:
કોઈ ટેક્સ નથી: ભૂટાનમાં સોના પર કોઈ પણ પ્રકારનોGST કે અન્ય ટેક્સ લાગતો નથી.
આયાત શુલ્ક ખૂબ ઓછું છે: અન્ય દેશોની તુલનામાં ભૂટાનમાં સોના પર લાગતો આયાત ડ્યુટી ખૂબ જ ઓછો છે.
સ્થાનિક નીતિઓ: ભૂટાનની નીતિઓ સોનું ખરીદવામાં વધુ લાભદાયક સાબિત થાય છે.
ભૂટાનથી સોનું ખરીદવાના નિયમો શું છે?
જો તમે ભૂટાનથી સોનું લાવવા ઇચ્છો છો તો અહીંના કેટલાક નિયમોનું પાલન કરવું ફરજિયાત છે:
ભૂટાનમાં રોકાવું ફરજિયાત છે: ખરીદદારે ભૂટાન સરકાર દ્વારા મંજૂર કોઈ હોટલમાં ઓછામાં ઓછા એક રાત રોકાવું ફરજિયાત છે. રોકાયા વિના સોનું ખરીદવું માન્ય નથી.
લિમિટ હોવી આવશ્યક છે: કોઈપણ ભારતીય નાગરિક માત્ર 26 ગ્રામ સોનું ભૂટાનથી ભારતમાં લાવી શકે છે.
મર્યાદાથી વધુ લાવવું કાનૂની ગુનો છે: જો કોઈ વ્યક્તિ નિયમોનો ભંગ કરી વધુ સોનું લાવે છે અને કસ્ટમ્સ દ્વારા પકડાય છે તો દંડ અને કાયદાકીય કાર્યવાહીનો સામનો કરવો પડી શકે છે.
