ભારતીય ટીમનો ઇંગ્લેન્ડ પ્રવાસ પૂરો થઈ ગયો છે જ્યાં શ્રેણી 2-2 થી બરાબર રહી હતી. શુભમન ગિલ યશસ્વી જયસ્વાલ અને સાઈ સુદર્શને ઇંગ્લેન્ડ પ્રવાસ પર સારું પ્રદર્શન કર્યું. ગિલ અને જયસ્વાલે શ્રેણીને બરાબર કરવામાં મહત્વપૂર્ણ ભૂમિકા ભજવી હતી. એક અહેવાલ મુજબ આ ખેલાડીઓ એશિયા કપ 2025 માટે ભારતીય ટીમમાં સ્થાન મેળવવાની રેસમાં છે.
પસંદગીકારોએ બધા વિકલ્પો ખુલ્લા રાખ્યા
શુભમન ગિલ અને યશસ્વી જયસ્વાલ છેલ્લા કેટલાક સમયથી ભારતીય ટી20 ટીમમાંથી બહાર છે. હવે દોઢ મહિના લાંબી ટેસ્ટ શ્રેણી પછી તે બંને એશિયા કપ માટે ઉપલબ્ધ થઈ શકે છે. બીસીસીઆઈના સૂત્રોના જણાવ્યા અનુસાર પસંદગીકારોએ બધા વિકલ્પો ખુલ્લા રાખ્યા છે. એશિયા કપ 2025 માટે ભારતીય ટીમ ઓગસ્ટના ત્રીજા અઠવાડિયામાં પસંદ થઈ શકે તેવી શક્યતા છે કારણ કે એશિયા કપ 2025 9 સપ્ટેમ્બરથી શરૂ થઈ રહ્યો છે.
ત્રણેય ખેલાડીઓને મળી શકે છે સ્થાન
BCCIના એક સૂત્રએ નામ ન આપવાની શરતે જણાવ્યું હતું કે પાંચ અઠવાડિયાનો વિરામ છે અને કોઈ ક્રિકેટ ન હોવાને કારણે સંજુ સેમસન અને અભિષેક શર્માના ઉત્તમ પ્રદર્શન છતાં ત્રણેયને T20 ટીમમાં સ્થાન મળવું જોઈએ. જો કોઈ એશિયા કપમાં 21 દિવસમાં ફાઇનલ સુધી રમે છે તો છ T20 મેચ થશે. એશિયા કપ માટે 17 સભ્યોની ટીમ પસંદ કરવાની પરવાનગી મળ્યા પછી પસંદગીકારો બધા વિકલ્પો પર કાળજીપૂર્વક વિચાર કરશે.
એશિયા કપ 2025 UAE ની ધરતી પર યોજાશે
એશિયા કપ 2025 UAE ની ધરતી પર યોજાવાનો છે અને T20 વર્લ્ડ કપને ધ્યાનમાં રાખીને યશસ્વી જયસ્વાલ શુભમન ગિલ અને સાઈ સુદર્શન શ્રેષ્ઠ ટોપ ઓર્ડર ખેલાડીઓ હોઈ શકે છે. હાલમાં ભારત માટે T20 ટીમમાં અભિષેક શર્મા અને સંજુ સેમસન ઓપનિંગની જવાબદારી ભજવી રહ્યા છે.
શુભમન ગિલે સૌથી વધુ રન બનાવ્યા
શુભમન ગિલ ઇંગ્લેન્ડ સામે ચાલી રહેલી ટેસ્ટ શ્રેણીમાં સૌથી વધુ રન બનાવનાર ખેલાડી રહ્યો છે. તેણે પાંચ ટેસ્ટ મેચમાં કુલ 754 રન બનાવ્યા જેમાં ચાર સદી તેના બેટમાંથી આવી. યશસ્વી જયસ્વાલે 411 રન બનાવ્યા અને બે સદી ફટકારી. બીજી તરફ સાઈ સુદર્શને ઇંગ્લેન્ડ પ્રવાસ પર ડેબ્યૂ કર્યું અને ત્રણ મેચમાં કુલ 140 રન બનાવ્યા.
