Stock market: નવેમ્બર 2025નો મહિનો મિડ-કેપ અને સ્મોલ-કેપ રોકાણકારો માટે સાચા અર્થમાં દુઃસ્વપ્ન બની ગયો. જ્યાં સેન્સેક્સ-નિફ્ટી સાધારણ વધઘટમાં ટકી રહ્યા, ત્યાં આ પાંચ કંપનીઓના શેરોએ રોકાણકારોના પોર્ટફોલિયોને ધ્વસ્ત કરી નાખ્યો. નબળા Q2 પરિણામો, સેક્ટરની મંદી અને અચાનક પેનિક સ્ટોક્સમાં ભારે વેચવાલીએ આ ક્રેશને વધુ ભયાનક બનાવ્યો. આ છે
5 કંપનીઓ
મંગલમ ડ્રગ્સ એન્ડ ઓર્ગેનિક્સ → -56.68%
માત્ર ₹44 કરોડના માઇક્રો-કેપ સાથેની આ ફાર્મા કંપનીએ નવેમ્બરમાં સૌથી મોટો ધડાકો કર્યો. 28 નવેમ્બરે શેર ₹27.93 પર બંધ થયો, એક જ દિવસમાં 5%નું સર્કિટ!
મેગેલેનિક ક્લાઉડ્સ → -45.49%
IT સેક્ટરની આ કંપનીના શેર એક મહિનામાં અડધા થઈ ગયા. 28 તારીખે 10% લોઅર સર્કિટ સાથે ₹29.93 પર બંધ.
સ્ટેલિયન ઇન્ડિયા ફ્લોરોકેમિકલ્સ → -41.64%
ઔદ્યોગિક ગેસ સેક્ટરની આ કંપનીનો શેર ₹168.95 સુધી ધરાશાયી, માર્કેટ કેપ ₹1,340 કરોડ પર આવી ગયું.
નવકાર અર્બન સ્ટ્રક્ચર્સ → -35.48%
રિયલ એસ્ટેટ સેક્ટરની સતત મંદીએ આ શેરને ₹1.60 સુધી પહોંચાડ્યો – એક સમયે ₹100+ હતો એ શેર આજે પેની સ્ટોક!
ઓવૈસ મેટલ્સ એન્ડ મિનરલ્સ → -31.86%
મેટલ સેક્ટરમાં વૈશ્વિક મંદીની સીધી અસર. 28 નવેમ્બરે 7.65% ઘટીને ₹26.95 પર બંધ.
આ પાંચેય કંપનીઓમાં સામ્ય એક જ છે – નબળા ફંડામેન્ટલ્સ, ઓછી લિક્વિડિટી અને અચાનક ઓપરેટર્સનું ભાગવું. જો તમે આમાંથી કોઈ શેરમાં હજુ પણ ફસાયેલા છો તો હવે પણ સમય છે – પોર્ટફોલિયો રિવ્યૂ કરો અને મજબૂત ફંડામેન્ટલ્સવાળા શેરો તરફ જુઓ.
