અમેરિકી શેરબજારમાં રોકાણ કરવાની સૌથી સરળ રીત : દુનિયાની ટોચની કંપનીઓમાં ઘરે બેઠા કરો રોકાણ

અમેરિકા વિશ્વનું સૌથી મોટું અને ધનિક અર્થતંત્ર છે. તેનું શેરબજાર લગભગ $53 ટ્રિલિયનના માર્કેટ કેપ સાથે દુનિયાનો સૌથી મોટો સ્ટોક માર્કેટ છે, જે ભારતના $5 ટ્રિલિયનના શેરબજાર કરતા 10 ગણું મોટું છે. આ પરિસ્થિતિ ભારતીય રોકાણકારોને વૈશ્વિક સ્તરે બ્લોકબસ્ટર કંપનીઓમાં રોકાણ કરવાનો મોટો અવકાશ આપે છે.

ગૂગલ, એમેઝોન, ટેસ્લા જેવી કંપનીઓમાં રોકાણની તક

ભારતની અંદરથી બેઠા બેઠા રોકાણકારો એનવિડિયા, મેટા, ડોમિનો જેવી ગ્લોબલ કંપનીઓના શેરોમાં રોકાણ કરી શકે છે. આ કંપનીઓએ છેલ્લા ઘણા વર્ષોમાં તેમના રોકાણકારોને અવિશ્વસનીય વળતર આપ્યું છે.

વિદેશી રોકાણના બે ફાયદા

વૈશ્વિક કંપનીઓના વૃદ્ધિ સાથે રોકાણનું મૂલ્ય વધે છે.

રૂપિયા સામે ડોલર મજબૂત થતા વળતર વધે છે – ઉદાહરણ તરીકે, 2004માં 1 ડોલર ₹46 હતો, જ્યારે આજે ₹86 છે.

કેવી રીતે રોકાણ કરવું?

Groww, INDmoney, Vested Finance, Zerodha, ICICI Direct, Charles Schwab, TD Ameritrade જેવા પ્લેટફોર્મ્સ પર ડીમેટ અને ટ્રેડિંગ એકાઉન્ટ ખોલીને યુએસ સ્ટોક્સ અને ETFમાં રોકાણ શક્ય છે.

જરૂરી દસ્તાવેજો: પાન કાર્ડ, આધારકાર્ડ, પાસપોર્ટ

ઉપલબ્ધ વિકલ્પો: સ્ટોક્સ, ETF, યુએસ ફોકસ્ડ મ્યુચ્યુઅલ ફંડ

ફ્રેક્શનલ રોકાણ:

યુએસ શેરોની ઊંચી કિંમતને ધ્યાનમાં રાખીને, ઘણા પ્લેટફોર્મ્સ ફ્રેક્શનલ શેરની સુવિધા આપે છે. એટલે કે તમે ફક્ત $1 થી રોકાણ શરૂ કરી શકો છો.

વિદેશી રોકાણની મર્યાદા અને નિયમન:

RBIની LRS યોજના હેઠળ, કોઈપણ ભારતીય વ્યક્તિ દર વર્ષ $250,000 સુધીનું વિદેશી રોકાણ કરી શકે છે. તેની માહિતી માટે બેંકમાં LRS ફોર્મ A2 ભરવો પડે છે.

ટેક્સેશન:

લાંબા ગાળાના મૂડીલાભ પર 20% કર (ઇન્ડેક્સેશન સાથે)

ટૂંકા ગાળાના લાભ પર 15% કર

યુએસમાં ડિવિડન્ડ પર 25% ટેક્સ, જેમાંથી DTAA અંતર્ગત ભારતમાં રીફંડનો દાવો કરી શકાય છે.