T20 World Cup; ઈજાગ્રસ્ત કાંગારૂઓ સામે ઝિમ્બાબ્વેનો પડકાર! : આજે રમાશે 3 મહત્વની મેચો, USA અને UAE જીતની શોધમાં ઉતરશે મેદાન પર!

T20 World Cup : T20 વર્લ્ડ કપ 2026 હવે તેના રોમાંચક તબક્કે પહોંચી ગયો છે. અત્યાર સુધી ટુર્નામેન્ટમાં કુલ 18 મેચો રમાઈ ચૂકી છે અને આજે સાતમા દિવસે વધુ ત્રણ મહત્વની મેચો રમાવા જઈ રહી છે. ગ્રુપ સ્ટેજની આ લડાઈ હવે પોઈન્ટ ટેબલમાં ઉથલપાથલ મચાવી રહી છે. ભારત, પાકિસ્તાન અને સાઉથ આફ્રિકા જેવી મોટી ટીમોએ પોતાનો દબદબો બનાવ્યો છે, ત્યારે ઓસ્ટ્રેલિયા જેવી દિગ્ગજ ટીમ ઈજાઓ અને ખેલાડીઓની ગેરહાજરીને કારણે સંઘર્ષ કરતી જોવા મળી રહી છે. આજની મેચો એશિયાના ત્રણ અલગ-અલગ ઐતિહાસિક સ્ટેડિયમમાં રમાશે, જે સુપર-8 ની રેસ માટે નિર્ણાયક સાબિત થઈ શકે છે.

મેચ 19 : ઓસ્ટ્રેલિયા vs ઝિમ્બાબ્વે (કોલંબો)ઓસ્ટ્રેલિયાની ટીમ હાલમાં સૌથી કપરા સમયમાંથી પસાર થઈ રહી છે. મિશેલ સ્ટાર્કની નિવૃત્તિ અને કમિન્સ-હેઝલવુડની ઈજા બાદ કેપ્ટન મિશેલ માર્શ પણ ટુર્નામેન્ટમાંથી બહાર થતા ટીમની કમર તૂટી ગઈ છે. ટ્રેવિસ હેડની નવી કેપ્ટન્સી અને સ્ટીવ સ્મિથનું ટીમમાં કમબેક સાથે કાંગારૂઓ મેદાનમાં ઉતરશે. સામે પક્ષે ઝિમ્બાબ્વે છે, જેણે ઓમાનને હરાવીને શાનદાર શરૂઆત કરી છે, તેથી આ મેચમાં ઓસ્ટ્રેલિયા માટે જીતવું એટલું આસાન નહીં હોય.

મેચ 20 : કેનેડા vs UAE (દિલ્હી)ગ્રુપ-D માં નીચેના સ્થાને રહેલી બે ટીમો, કેનેડા અને UAE આજે દિલ્હીના અરુણ જેટલી સ્ટેડિયમમાં ટકરાશે. કેનેડા તેની છેલ્લી મેચમાં સાઉથ આફ્રિકા સામે હાર્યું હતું, જ્યારે UAE એ ન્યુઝીલેન્ડ સામે 173 રનનો મોટો સ્કોર કરવા છતાં હારનો સામનો કરવો પડ્યો હતો. બંને ટીમો માટે પોઈન્ટ ટેબલમાં ઉપર આવવા માટે આ મેચ જીતવી અનિવાર્ય છે, ખાસ કરીને UAE તેમની શાનદાર બેટિંગ લય જાળવી રાખવા માંગશે.

મેચ 21 : USA vs નેધરલેન્ડ્સ (ચેન્નાઈ)USA માટે આ ટુર્નામેન્ટ અત્યાર સુધી નિરાશાજનક રહી છે, કારણ કે તેઓ ભારત અને પાકિસ્તાન સામે લડત આપવા છતાં હારી ગયા છે. બીજી તરફ, નેધરલેન્ડ્સ પાસે એક જીત અને એક હાર સાથે 2 પોઈન્ટ છે અને તેઓ ગ્રુપ-A માં પોતાની સ્થિતિ મજબૂત કરવા ઈચ્છશે. ચેન્નાઈની સ્પિન ફ્રેન્ડલી પિચ પર નેધરલેન્ડ્સના અનુભવી ખેલાડીઓ અને USA ના ખેલાડીઓ વચ્ચે જબરદસ્ત મેચ જોવા મળી શકે છે.

આજના મેચનું શિડ્યુલ (13 ફેબ્રુઆરી 2026):