T20 World Cup : સ્કોટલેન્ડે ઇટલીને 73 રનથી હરાવ્યું. મેચમાં ઇટલીએ ટોસ જીતીને સ્કોટલેન્ડ સામે પ્રથમ બોલિંગ કરવાનો નિર્ણય લીધો. પ્રથમ બેટિંગ કરતાં સ્કોટલેન્ડે 20 ઓવરમાં 4 વિકેટના નુકસાને 207 રન બનાવ્યા, જેમાં જ્યોર્જ મુન્સેએ 54 બોલમાં શાનદાર 84 રન બનાવ્યા. બ્રેન્ડન મેકમુલને 18 બોલમાં નોટઆઉટ 41 રન બનાવીને ટીમને 207 રન સુધી પહોંચાડવામાં મહત્વપૂર્ણ ભૂમિકા ભજવી. આ પછી, ઇટલી 16.4 ઓવરમાં ફક્ત 134 રન જ બનાવી શક્યું. સ્કોટલેન્ડ માટે માઈકલ લીસ્કે શાનદાર પ્રદર્શન કર્યું. તેમના ઉત્કૃષ્ટ પ્રદર્શન માટે તેમને પ્લેયર ઓફ ધ મેચનો એવોર્ડ આપવામાં આવ્યો. નોંધનીય છે કે, T20 વર્લ્ડ કપમાં કોઈપણ એસોસિયેટ ટીમ દ્વારા 200 થી વધુનો આ પહેલો ટીમ સ્કોર છે.
T20 વર્લ્ડ કપમાં એસોસિયેટ ટીમ દ્વારા સૌથી વધુ સ્કોર
207/4 - SCO vs ITA, કોલકાતા, 2026 (પહેલી ઇનિંગ)
197/3 - USA vs CAN, ડલ્લાસ, 2024 (બીજી ઇનિંગ)
194/5 - CAN vs USA, ડલ્લાસ, 2024 (પહેલી ઇનિંગ)
193/4 - NED vs IRE, સિલ્હટ, 2014 (બીજી ઇનિંગ)
189/4 - IRE vs NED, સિલ્હટ, 2014 (પહેલી ઇનિંગ)
T20 વર્લ્ડ કપમાં એસોસિયેટ ટીમ માટે 100 થી વધુની ઓપનિંગ પાર્ટનરશીપ
131* - આકિબ ઇલ્યાસ, જતિન્દર સિંહ (OMA) vs PNG, 2021
126 - માઈકલ જોન્સ, જ્યોર્જ મુન્સી (SCO) vs ITA, 2026
સ્કોટલેન્ડની પ્લેઇંગ એલેવન
જ્યોર્જ મુન્સે, માઈકલ જોન્સ, બ્રેન્ડન મેકમુલેન, રિચી બેરિંગ્ટન (કેપ્ટન), ટોમ બ્રુસ, મેથ્યુ ક્રોસ (વિકેટકીપર), માર્ક વોટ, માઈકલ લીસ્ક, ઓલિવર ડેવિડસન, બ્રેડ વ્હીલ, બ્રેડ કરી.
ઇટલી ની પ્લેઇંગ એલેવન
એન્થોની મોસ્કા, જસ્ટિન મોસ્કા, જેજે સ્મટ્સ, વેઈન મેડસેન (કેપ્ટન), હેરી મેનેન્ટી, બેન મેનેન્ટી, ગ્રાન્ટ સ્ટુઅર્ટ, જિયાન પિએરો મીડે (વિકેટકીપર), ક્રિસન કાલુગામેજ, થોમસ ડ્રાકા, અલી હસન.
