T20 World Cup; ઓસ્ટ્રેલિયા 'બિગ-થ્રી' પેસર વગર રમશે પ્રથમ મેચ! : ઈંગ્લેન્ડ-વેસ્ટ ઈન્ડિઝ વચ્ચે જામશે હાઇ-વોલ્ટેજ મેચ, કોણ મારશે બાજી?

T20 World Cup : T20 વર્લ્ડ કપ 2026 હવે પૂરા જોશમાં આગળ વધી રહ્યો છે. 7 ફેબ્રુઆરીથી શરૂ થયેલા આ મહાકુંભમાં અત્યાર સુધી 12 રોમાંચક મેચો રમાઈ ચૂકી છે. આજે ટુર્નામેન્ટનો પાંચમો દિવસ છે અને ક્રિકેટ ફેન્સને એક જ દિવસે ત્રણ હાઈ-પ્રોફાઈલ મેચો જોવા મળશે. જેમાં એક તરફ મિશેલ માર્શની આગેવાનીમાં ઓસ્ટ્રેલિયા પોતાની પ્રથમ મેચ રમશે, તો બીજી તરફ શિમોન હેટમાયર અને રોમારિયો શેફર્ડના ફોર્મથી સજ્જ વેસ્ટ ઈન્ડિઝની ટીમ ઈંગ્લેન્ડ સામે ટકરાશે. અમદાવાદ, કોલંબો અને મુંબઈના મેદાન આજે ચોગ્ગા-છગ્ગાથી ગુંજી ઉઠશે.

મેચ 1 : સાઉથ આફ્રિકા vs અફઘાનિસ્તાન (અમદાવાદ)સાઉથ આફ્રિકાની ટીમે કેનેડા સામે 213 રનનો વિશાળ સ્કોર બનાવીને પોતાની તાકાત બતાવી દીધી છે. એડન માર્કરામની સેના આ લય જાળવી રાખવા માંગશે. બીજી તરફ, રાશિદ ખાનની અફઘાનિસ્તાન ટીમ ન્યુઝીલેન્ડ સામે નજીવી હાર બાદ વાપસી કરવા માટે આતુર છે. અમદાવાદના નરેન્દ્ર મોદી સ્ટેડિયમમાં સ્પિનરોની ભૂમિકા મહત્વની રહેશે, જ્યાં રાશિદ ખાન અને સાઉથ આફ્રિકાના બેટર્સ વચ્ચે જબરદસ્ત જંગ જોવા મળી શકે છે.

મેચ 2 : ઓસ્ટ્રેલિયા vs આયર્લેન્ડ (કોલંબો)

આ ટુર્નામેન્ટમાં ઓસ્ટ્રેલિયા આજે પોતાની પ્રથમ મેચ રમશે, પરંતુ ટીમ માટે રસ્તો થોડો કઠિન છે. મિશેલ સ્ટાર્કની નિવૃત્તિ અને પેટ કમિન્સ-જોશ હેઝલવૂડની ઈજાને કારણે ઓસ્ટ્રેલિયાનું પેસ આક્રમણ નબળું દેખાઈ રહ્યું છે. પોલ સ્ટર્લિંગની આયર્લેન્ડ ટીમ, જે શ્રીલંકા સામે હારી ચૂકી છે, તે ઓસ્ટ્રેલિયાની આ નબળાઈનો ફાયદો ઉઠાવીને મોટો ઉલટફેર કરવાની તૈયારી સાથે ઉતરશે. કોલંબોની પિચ પર મિશેલ માર્શની કેપ્ટન્સીની મોટી કસોટી થશે.

મેચ 3 : ઈંગ્લેન્ડ vs વેસ્ટ ઈન્ડિઝ (મુંબઈ)આજના દિવસની સૌથી મોટી મેચ વાનખેડે સ્ટેડિયમમાં રમાશે. હેરી બ્રુકની ઈંગ્લેન્ડ ટીમે નેપાળ સામે માંડ 4 રનથી જીત મેળવી હતી, જે તેમના માટે ચિંતાનો વિષય છે. બીજી તરફ, વેસ્ટ ઈન્ડિઝ ફુલ ફોર્મમાં છે; રોમારિયો શેફર્ડની હેટ્રિક અને 5 વિકેટ તેમજ હેટમાયરની તોફાની બેટિંગે અન્ય ટીમોને ચેતવણી આપી દીધી છે. મુંબઈની બેટિંગ ફ્રેન્ડલી પિચ પર શાઈ હોપ અને હેરી બ્રુક વચ્ચે રનનો વરસાદ થવાની પૂરી શક્યતા છે.

આજનું શેડ્યૂલ અને કેપ્ટન