સુરેન્દ્રનગર જિલ્લામાં કેમિકલ ચોરીના મામલે મોટી વહીવટી કાર્યવાહી કરવામાં આવી છે. સાયલા હાઈવે પર SMC દ્વારા પાડવામાં આવેલી રેડ દરમિયાન કેમિકલ ચોરીનો ભાંડો ફૂટ્યા બાદ જિલ્લા પોલીસ વડાએ કડક પગલાં ભર્યા છે. સમગ્ર ઘટનામાં બેદરકારી અને શંકાસ્પદ ભૂમિકાને ધ્યાનમાં રાખીને એક PI, એક PSI અને બે કોન્સ્ટેબલને સસ્પેન્ડ કરવામાં આવ્યા છે. નોંધનીય છે કે અગાઉ આ મામલે સંબંધિત પોલીસ કર્મચારીઓની બદલી કરવામાં આવી હતી, પરંતુ હવે વધુ ગંભીર કાર્યવાહી કરીને તેમને સસ્પેન્ડ કરવામાં આવ્યા છે. આ કાર્યવાહી બાદ પોલીસ તંત્રમાં ખળભળાટ મચી ગયો છે અને સમગ્ર મામલે વધુ તપાસ હાથ ધરવામાં આવી રહી છે.
મળતી માહિતી મુજબ, SMC દ્વારા કરવામાં આવેલી રેડ દરમિયાન કેમિકલ ચોરીના ગેરકાયદે કારોબારનો પર્દાફાશ થયો હતો. ઘટનાની ગંભીરતાને ધ્યાનમાં રાખીને જિલ્લા પોલીસ અધિક્ષક દ્વારા લોકલ ક્રાઈમ બ્રાન્ચ (LCB) સાથે સંકળાયેલા અધિકારીઓ અને પોલીસકર્મીઓ સામે વહીવટી પગલાં લેવામાં આવ્યા છે.
જામનગરમાં બુલડોઝર એક્શન: ભારે પોલીસ બંદોબસ્ત વચ્ચે 16 કરોડની સરકારી જમીન કરાઈ દબાણમુક્ત
LCBના અધિકારીઓ સહિત પોલીસકર્મીઓ સસ્પેન્ડ
કેમિકલ ચોરીનો કેસ બહાર આવ્યા બાદ જિલ્લા પોલીસ અધિક્ષકે LCBના પોલીસ ઇન્સ્પેક્ટર (PI), પોલીસ સબ-ઇન્સ્પેક્ટર (PSI) તેમજ કેટલાક કોન્સ્ટેબલોને સસ્પેન્ડ કરવાનો નિર્ણય લીધો છે. આ નિર્ણય બાદ સમગ્ર પોલીસ બેડામાં ચર્ચા અને ગણગણાટ શરૂ થયો હોવાનું જાણવા મળે છે.
SMCની કાર્યવાહી બાદ ઉઠ્યા સવાલ
રાજ્ય સ્તરની એજન્સી SMC દ્વારા જિલ્લામાં આવીને કાર્યવાહી કરવી પડી તે બાબત પણ ચર્ચાનું કેન્દ્ર બની છે. કેમિકલ ચોરી જેવી પ્રવૃત્તિઓ લાંબા સમયથી ચાલી રહી હતી કે કેમ અને સ્થાનિક સ્તરે તેની જાણકારી હતી કે નહીં તેવા પ્રશ્નો હવે ઉઠી રહ્યા છે.
જોકે, સત્તાવાર રીતે બદલીઓ પાછળનું કારણ જાહેર કરવામાં આવ્યું નથી, પરંતુ SMCની સફળ કાર્યવાહી બાદ થયેલા આ વહીવટી ફેરફારોને સમગ્ર ઘટનાક્રમ સાથે જોડીને જોવામાં આવી રહ્યા છે. પોલીસ વર્તુળોમાં પણ આ મુદ્દે વિવિધ ચર્ચાઓ ચાલી રહી છે.
અમદાવાદની IDP સ્કૂલ વિવાદમાં નવો વળાંક: વાયરલ વીડિયો બાદ DEO એ સંચાલકોનો ઉધડો લીધો!
તપાસની દિશા પર સૌની નજર
હાલમાં ઝડપાયેલા બંને આરોપીઓ સામે કાયદેસરની કાર્યવાહી આગળ વધી રહી છે. બીજી તરફ, કેમિકલ ચોરીના નેટવર્કમાં અન્ય કોઈ વ્યક્તિઓ અથવા તત્વો સંડોવાયેલા છે કે કેમ તે દિશામાં પણ તપાસ ચાલી રહી હોવાનું માનવામાં આવે છે.
‘એક નઈ ઉમ્મીદ’થી બદલાશે અનેક કેદીઓની જિંદગી!: જેલમાં રહી પૂર્ણ કરી શકશે ધોરણ 12 સુધીનો અભ્યાસ
પોલીસ વિભાગમાં ચર્ચાનો વિષય
LCB જેવી મહત્વની શાખામાં એકસાથે અધિકારીઓ અને પોલીસકર્મીઓ સસ્પેન્ડ થવા સામાન્ય ઘટના નથી માનવામાં આવતી. તેથી આ નિર્ણય પોલીસ વિભાગમાં ચર્ચાનો મુખ્ય વિષય બન્યો છે. કેટલાક વર્તુળોમાં તેને જવાબદારી નક્કી કરવાની પ્રક્રિયાનો ભાગ ગણવામાં આવી રહ્યો છે, જ્યારે કેટલાક લોકો વધુ તપાસ બાદ જ સ્પષ્ટ ચિત્ર સામે આવશે તેવું માની રહ્યા છે.
હાલ માટે સાયલા હાઇવે પર ઝડપાયેલા કેમિકલ ચોરીના કેસે માત્ર ગુનાહિત પ્રવૃત્તિ જ નહીં, પરંતુ પોલીસ વિભાગની આંતરિક કામગીરીને લઈને પણ અનેક ચર્ચાઓને જન્મ આપ્યો છે.
