છેલ્લા બે દિવસથી નુકસાન સહન કરનારા ભારતીય શેરબજારે આજે અઠવાડિયાના અંતિમ ટ્રેડિંગ દિવસે ગ્રીન ઝોનમાં શરૂઆત કરી છે. અમેરિકાના નવા ટેરિફ દબાણ વચ્ચે પણ બજારે મજબૂતી દેખાડી છે.
બીએસઈ પર 30-પોઇન્ટનો સેન્સેક્સ શરૂઆતમાં જ લગભગ 130 પોઈન્ટ ઉછળ્યો, જ્યારે એનએસઈ પર નિફ્ટી 50 પણ 24,550ના સ્તરે ખુલ્યુ હતુ.
સેક્ટરલ મૂવમેન્ટ
છેલ્લા બે સત્રોમાં આઇટી, ટેક્સટાઇલ અને રિયલ્ટી શેરોમાં સૌથી વધુ વેચવાલી જોવા મળી હતી, જ્યારે બેંકિંગ અને મેટલ સેક્ટર પણ દબાણમાં રહ્યા હતા. જોકે આજે એફએમસીજી અને ફાર્મા શેરોમાં ખરીદીના સંકેતો મળતા બજારે સપોર્ટ મેળવ્યો છે.
ટેરિફનો અસરકારક ઝટકો
અમેરિકા દ્વારા ભારત પર 27 ઓગસ્ટથી લાગુ કરાયેલા 50 ટકા ટેરિફના કારણે રોકાણકારોના માત્ર બે દિવસમાં લગભગ ₹9.69 લાખ કરોડ ડૂબ્યા છે. આ બે દિવસમાં સેન્સેક્સ 1,555 પોઈન્ટ તૂટી ગયો હતો.
રશિયા પાસેથી સસ્તું તેલ ખરીદવાના કારણે દંડરૂપે અમેરિકાના રાષ્ટ્રપતિ ડોનાલ્ડ ટ્રમ્પે ભારત પર વધારાનો 25 ટકા ટેરિફ લાદ્યો હતો. અગાઉ 7 ઓગસ્ટે 25 ટકા બેઝ ટેરિફ લાગુ કરવામાં આવ્યો હતો, જે સાથે મળીને કુલ ટેરિફ દર 50 ટકા થઈ ગયો છે.
પ્રભાવિત માલસામાન
નવા શુલ્કનો સીધો અસર નીચેના ઉત્પાદનો પર થશે:
રત્નો અને ઝવેરાત
ચામડાના ઉત્પાદનો અને જૂતા
ઇલેક્ટ્રોનિક સામાન
