Stock Market: ભારતીય શેરબજારમાં આજે સપ્તાહના પ્રથમ દિવસે ભારે અસ્થિરતાનો માહોલ જોવા મળી રહ્યો છે. શરૂઆતી કારોબારમાં તેજી બતાવ્યા બાદ બજારમાં અચાનક વેચવાલી હાવી થઈ હતી, જેના કારણે નિફ્ટી ઇન્ડેક્સ 140 પોઈન્ટથી વધુ ગગડીને 22,600ની સપાટીની નીચે સરકી ગયો હતો. સેન્સેક્સમાં પણ 200 પોઈન્ટથી વધુનો ઘટાડો જોવા મળ્યો છે અને તે 73,000ની મનોવૈજ્ઞાનિક સપાટી તરફ આગળ વધી રહ્યો છે. વૈશ્વિક સંકેતો અને સ્થાનિક કંપનીઓના ચોથા ક્વાર્ટરના બિઝનેસ અપડેટ્સની અસર બજાર પર સ્પષ્ટપણે દેખાઈ રહી છે.
નિફ્ટી માટે હાલ 22,700 થી 22,800ની સપાટી મહત્ત્વની ગણાઈ રહી છે. જો બજાર આ સ્તર જાળવી રાખવામાં નિષ્ફળ જશે, તો તે 22,500 સુધી નીચે જઈ શકે છે. બીજી તરફ, બેન્કિંગ સેક્ટર આજે કેન્દ્ર સ્થાને છે કારણ કે HDFC બેન્ક, કોટક બેન્ક અને એક્સિસ બેન્ક જેવી દિગ્ગજ સંસ્થાઓએ તેમના બિઝનેસ રિપોર્ટ્સ જાહેર કર્યા છે. રોકાણકારો હાલમાં ભૂ-રાજકીય તણાવ અને બેન્કોના માર્જિન પર નજર રાખી રહ્યા છે.
બેન્કિંગ અને ફાઇનાન્સ શેરોમાં મિશ્ર પ્રતિસાદ
બેન્ક નિફ્ટી આજે વોચલિસ્ટમાં છે. HDFC બેન્કે ડિપોઝિટ ગ્રોથમાં મજબૂત દેખાવ કર્યો છે, જ્યારે RBL બેન્ક અને AU સ્મોલ ફાઇનાન્સ બેન્કે પણ અંદાજ કરતા સારું પ્રદર્શન કર્યું છે. મોતીલાલ ઓસ્વાલના અહેવાલ મુજબ, PSU બેન્કોના માર્જિન અંદાજમાં 2% અને ખાનગી બેન્કોમાં 1%નો ઘટાડો કરવામાં આવ્યો છે. આગામી બે વર્ષમાં ક્રેડિટ ગ્રોથ 14% રહેવાની ધારણા છે, પરંતુ જો વૈશ્વિક તણાવ વધશે તો તેની અસર લોન ગ્રોથ પર પડી શકે છે.
આ પણ વાંચો: Petrol-Diesel Price Today : શું આજે પેટ્રોલના ભાવમાં થયો ફેરફાર? જાણી લો 6 એપ્રિલના તમારા શહેરના લેટેસ્ટ રેટ
DMart અને અન્ય કંપનીઓના શેરમાં તેજી
Avenue Supermarts (DMart): ચોથા ક્વાર્ટરના શાનદાર બિઝનેસ અપડેટ બાદ DMart ના શેરમાં આજે ઉછાળો જોવા મળ્યો છે.
Trent: ટ્રેન્ટના શેરમાં 3% થી વધુનો વધારો થયો છે અને તે નિફ્ટીના ટોપ ગેઇનર્સમાં સામેલ છે.
Nykaa: નાયકાએ કન્સોલિડેટેડ રેવન્યુમાં 20% થી વધુ ગ્રોથની અપેક્ષા વ્યક્ત કરી છે, જેને પગલે રોકાણકારોમાં ઉત્સાહ છે.
Supreme Petro: સુપ્રીમ પેટ્રોના શેરમાં આજે 8% સુધીનો જબરદસ્ત ઉછાળો જોવા મળ્યો છે.
ઓટો સેક્ટર અને FADA નો ડેટા
FADA દ્વારા જાહેર કરવામાં આવેલા આંકડા મુજબ, માર્ચ મહિનામાં વાહનોના છૂટક વેચાણમાં વાર્ષિક ધોરણે 25.3% નો વધારો થયો છે. પેસેન્જર વ્હીકલના વેચાણમાં 21.5% અને ટુ-વ્હીલરના વેચાણમાં 28.7% નો વધારો નોંધાયો છે. આ આંકડાઓ ઓટો સેક્ટરમાં મજબૂત માંગ તરફ ઈશારો કરે છે, છતાં બજારની એકંદર નરમાઈને કારણે ઓટો શેરોમાં સાવચેતી જોવા મળી રહી છે.
કંપનીઓના બિઝનેસ અપડેટ્સ પર એક નજર
Hi-Tech Pipes: કંપનીને મોટો ઓર્ડર મળતા શેરમાં 3% નો વધારો થયો છે. ક્વાર્ટર-4 માં કંપનીનું વેચાણ વોલ્યુમ 27% વધ્યું છે.
Keystone: પ્રી-સેલ્સમાં 53% નો વધારો નોંધાયો છે અને કંપનીએ નાણાકીય વર્ષ 2026 માટેનું લક્ષ્ય હાંસલ કર્યું છે.
OMCs: ઓઇલ માર્કેટિંગ કંપનીઓ પર દબાણ જોવા મળી રહ્યું છે. ચેન્નાઈ પેટ્રોના શેર 4% જેટલા તૂટ્યા છે કારણ કે કંપનીઓ હાલમાં પડતર કિંમત કરતા નીચે ઇંધણ વેચી રહી છે.
